Qarjy vıse-mınıstri Erjan Birjanov Qazaqstanda jeke tulǵalardyń bankrottyǵy boıynsha ótinishter qabyldaý 3 naýryzda bastalatynyn habarlady. Onyń aıtýynsha, bankrottyq boıynsha ótinishter elektron formatta túse bastaǵan.
"Qarjy basqarýshylary boıynsha memlekettik qyzmetti qostyq. Sondaı-aq, memlekettik organdar men basqa da mekemeler retinde 40 aqparattyq júıemen ıntegrasıalanǵan jańa aqparattyq júıe quryldy. Eki ret pılottyq synaq jáne júkteme synaqtary júrgizildi. Júıe jumys istep tur. Alǵashqy ótinishterdi qabyldaý 3 naýryzda bastalady. Joǵary deńgeıdegi qyzmetkerlerimiz boryshkerler eń kóp aımaqtarǵa jiberiletin bolady", dedi Birjanov Senat otyrysynda.
2022 jyldyń 30 jeltoqsanynda "Qazaqstan Respýblıkasy azamattarynyń tólem qabilettiligin jáne bankrottyǵyn qalpyna keltirý týraly" zańǵa qol qoıylǵan.
Sottan tys bankrottyq rásimdi bankter, mıkroqarjy uıymdary jáne kolektorlyq agenttikter aldyndaǵy qaryzdar boıynsha qoldanýǵa bolady.
Alaıda tómendegi sharttar saqtalýy tıis:
-
borysh 5,5 mln teńgeden (1600 AEK) aspaıdy;
- kredıt 12 aı boıy ótelmegen bolsa;
-
menshiginde tirkelgen múlik, onyń ishinde ortaq menshiktegi múlik bolmaǵan jaǵdaıda;
-
bankpen retteý júrgizilý kerek.
Mamandar ózin bankrot dep jarıalaǵan tulǵa shyn máninde aldaǵy úsh-bes jyl boıy eldiń qarjy júıesinen aıyrylatynyn, qatań shekteý men baqylaýǵa tap bolatynyn aıtady.
Pikir qaldyrý