Jambyl oblysy T.Rysqulov aýdanynyń prokýratýrasy Qulan-Energo Jylý SHJQ KMK bas esepshisiniń 7 mıllıon teńge jymqyrý faktisin anyqtaǵan. 

Aýdan prokýratýrasy Qulan-Energo Jylý SHJQ KMK qyzmeti búdjet qarajatyn qalaı jumsaǵanyna taldaý júrgizdi. Taldaý barysynda kásiporynnyń bas esepshisiniń tólem tapsyrmalarymen 7 mln teńge kólemindegi  búdjet qarajatyn óziniń kartochkalyq shottaryna aýdarǵany anyqtaldy.

Ol óziniń qylmystyq áreketterin jasyrý maqsatynda tólem tapsyrmalarynyń baǵanyna taýarlar, kásiptik, ǵylymı jáne tehnıkalyq qyzmet úshin tólem jasaldy dep kórsetken. 

Aýdandyq sottyń 23 maýsymdaǵy úkimimen kásiporynnyń bas esepshisi qylmystyq quqyqbuzýshylyq jasaǵany úshin kináli dep tanylyp, oǵan 3 jyl merzimge bas bostandyǵyn shekteý túrindegi jaza taǵaıyndaldy.

Sondaı-aq komersıalyq jáne ózge de uıymdarda 3 jyl merzimge materıaldyq-jaýapty laýazymdardy atqarý quqyǵynan aıyrý túrindegi qosymsha jaza bar.

Úkim zańdy kúshine endi. Zańsyz aýdarylǵan aqsha memleketke tolyq kólemde qaıtaryldy.