Postkeńestik terıtorıadaǵy janjaldyń bári – Máskeý josparlap, Máskeý júzege asyratyn janjaldar. Máskeý qoldan kıkiljiń týǵyzatyn jaǵdaı jasaıdy, sosyn bitimger retinde áskerimen kirip kelip, elderdi tatýlastyrǵansymaq bolady.

Shyndyǵynda, Reseıdiń bar ditteıtini – taraptar arasyndaǵy qaıshylyqty paıdalanyp, óńirdegi jaǵdaıdy ýysynda ustap turǵan tóreshideı kóriný.

Taýly Qarabaqtaǵy taýsylmaı kelgen daý da sondaı sqema edi. Reseıdiń maqsaty Armenıa men Ázerbaıjandy ýysynan shyǵarmaı ustap turý bolatyn.

Máskeýdiń óz múddesi úshin bularmen oıyn oınap otyrǵanyn Armenıa men Ázerbaıjan túsindi. Artynda Túrkıa turǵan Ázerbaıjan kúni keshe bul daýǵa núkte qoıdy: Qarabaq Ázerbaıjannyń jeri, al onda turatyn armándardyń quqyǵy qaptaǵan túrli halyqaralyq konvensıalarǵa sáıkes rettelýi tıis.

Reseı endi Armenıadan da, Ázerbaıjannan da aıyryldy. Máskeý jaqtan oıbaılaǵan, zarlaǵan daýystar estilip jatyr. Túrkıa Reseıdiń odaqtasy emes. Endeshe Reseıdi endi Kavkazdan túbi birjola teýip shyǵarady.

Reseıdi Kavkazdan yǵystyrýdyń basy bastaldy. Erteń Sheshenstandy bılep otyrǵan Qadyrov degen áýmeser "anaý-mynaý" bop ketse, sol óńirde de úlken ózgerister bolady. Sondyqtan reseılikterge kesh bolmaı turǵanda zattaryn býyp-túıip, Kavkazdan kóship ketý jaǵyn oılastyra bastaý kerek.