Qaǵaz júzinde týra osylaı bolyp tur.

Shyndyǵynda el kedeılenip barady. Júrgizilgen saýalnama nátıjeleri Qazaqstan azamattarynyń 5,6%-ynyń tabysy eń tómengi kúnkóris deńgeıinen de tómen ekenin kórsetti. 

Elimizde eń tómengi kúnkóris deńgeıi 51 710 teńge. Kedeıshiliktiń eń joǵary deńgeıi Túrkistan oblysynda – 9,6%, al eń tómeni Qaraǵandy ​​oblysy men Astana qalasynda – 2,7% tirkeldi. Bes jáne odan da kóp adamy bar otbasylardaǵy kedeıshilik deńgeıi 10% qurady, bul kedeıshiliktiń ortasha deńgeıiniń eki esesi. Tabysy eń tómengi kúnkóris deńgeıinen az Qazaqstan turǵyndarynyń sany ekinshi toqsanmen salystyrǵanda 9 paıyzǵa ósip, 1,1 mıllıon adamnan asty. Bul sońǵy 13 jyldaǵy eń joǵarǵy kórsetkish. 

Biraq BBC saıtynda Qazaqstanda sóz erkindigi taptalyp, baspasózin bılik baqylaıtyny, opozısıalyq basylymdardyń bári derlik jabylyp, shynshyl jýrnalıseri shetelge qashatyny jazyldy. Opozısıalyq basylymdardyń barlyǵy derlik jabyldy nemese jer aýdaryldy, al qalǵany «aıyppuldyń qysymymen kúıredi». Reseılik radıostansıalar kabeldik jáne spýtnıktik arnalar arqyly taratylatyny da aıtylǵan. Internet «jappaı baqylaý, blogerlerdi túrmege jabý jáne jańalyqtar saıttaryna, áleýmettik jeliler men habar almasý qyzmetterine kirýge jıi shekteýlermen qatań baqylaýda ekenin sheteldikter de jete bilip otyr. 

BUU saıtynda Bıshimbaevtyń isi týraly maqala jarıalandy. Depýtattar buny Qazaqstannyń ımıjine nuqsan keldi dep qabyldady. Al qazaqtyń áıgili jelaıaǵy Marat Jylanbaev 7 jylǵa sottalǵany bıliktiń ımıjine daq túsirmeı me?

Al qazaq bıligi syrt álemge minsiz etip kórsetkisi keledi. Nege?

– Syrt kózge jaqsy kóriný úshin «demokratıa dekorasıasyn» jasaıdy. Bul bılikti saqtap qalýdyń bir tásili. Qazaqstannyń halyqaralyq ımıji Qazaqstan bıligine óte kerek. Biraq qazirgi álemde el prezıdentteriniń bedeline eshkim kóńil bólmeıdi. Tek kim qaı tarapty qoldaıdy degen kózben ǵana qaraıdy. Toqaev dıplomat bolǵan soń ózin jaqsy kórsetý úshin birese Reseımen, birese batyspen oınaıdy. Ol óz maqsatymen óziniń atmosferasynda júrgen sıaqty. Jastardyń Toqaevty qoldaıtynyn kórsetý úshin «Jańa adamdar» degen qozǵalys quryldy. Bul Reseıdegi «Nashı» degen uıym ispetti. Arnaıy qurylǵan jospar. Olar bılikten bólek kórinýge tyrysady, belgili mólsherde shyndyqty aıtqandaı bolady. Biraq negizgi baǵyttary aıqyn. Qurylymdyq deńgeıde tek «Nur Otannyń» jastar partıasy ǵana tanylǵan, sol sıaqty Toqaevtyń bıligin, onyń «Jańa Qazaqstan» uranyn qoldaıtyndar kerek. Munyń pisip-jetilgen ýaqyty keldi, sondyqtan tańdanbadym.

Al Marat Jylanbaev sıaqty belsendilerdi sottaý Toqaevtyń atyna pálendeı daq túsire qoımaıdy. Sportshynyń Gınness rekordtar kitabyna kirgeni ras. Biraq ol kitapqa negizinen qyzyqty da, sonymen birge birtúrli jáne kúlkili rekordtar enedi. Jylanbaevtyki adam aǵzasynyń tózimdiligin kórsetetin sporttyq rekord, alaıda kitapqa engen soń el oǵan qyzyqty rekord esebinde qaraıdy. Óıtkeni, Gınness rekordtary syra iship otyryp qaraıtyn kitap retinde jasalǵan, deıdi saıasatker Dos Kóshim.