2025 jyly Qazaqstanda 77 myńnan asa bala dúnıege kelgen. Mundaı málimetterdi buǵan deıin Birinshi kredıttik búro (BKB) jarıalady.

Vedomstvo málimetinshe, bul kórsetkish byltyrǵy sáıkes kezeńmen salystyrǵanda 16 paıyzǵa tómen. Al 2014 jyldyń birinshi toqsanynan beri bul eń tómengi kórsetkish bolyp otyr.

Bul rette aman-esen týǵan náresteler sany boıynsha aıtqanda, birinshi toqsandaǵy kórsetkishter aıtarlyqtaı tómen. Alaıda sońǵy tolyq 11 jyl ishinde bul san 90 myńnan tómendegen emes. 2025 jyly týý kórsetkishi eldiń barlyq óńirinde tómendegeni baıqalady. Eń tómen kórsetkishter Aqmola jáne Jetisý oblystarynda tirkelgen – tıisinshe 22 paıyzǵa jáne 20,1 paıyzǵa azaıǵan.

Jyl ishindegi eń joǵary kórsetkishter ádette úshinshi toqsanda tirkeledi – eń joǵary týý kórsetkishi 2020 jáne 2021 jyldary baıqalǵan.

Aýyldyq jerlerdegi jaǵdaı odan da nashar – mınýs 18,1 paıyz, al qalada – 14,2 paıyz.

Jalpy týý koefısıenti de tómendegen – qazirgi deńgeı 15,39, bul 2024 jyldyń I toqsanymen salystyrǵanda 2,94-ke tómen.

Sondaı-aq, qaıtys bolǵandar sany 7,2 paıyzǵa azaıyp, 31 myń adam bolǵan.