Búgin áleýmettik jeliler men messendjerlerde Qazaqstannyń Tuńǵysh Prezıdenti Nursultan Nazarbaevtyń jubaıy Sara Nazarbaevanyń qaıtys bolǵany jóninde aqparat tarady. Alaıda bul málimet shyndyqqa janaspaıdy.

Bul týraly Elbasynyń baspasóz hatshysy Aıdos Úkibaı  búgin taraǵan qaýesetterge resmı túrde jaýap berdi. Onyń aıtýynsha, Sara Nazarbaeva qazir aýrýhanada em qabyldap jatyr, alaıda onyń qaıtys bolǵany týraly aqparat — jalǵan.

«Áleýmettik jeliler men túrli messendjerlerde tarap jatqan Sara Alpysqyzy Nazarbaevanyń ómirden ozǵany týraly habarlamalar shyndyqqa sáıkes kelmeıdi. Ol qazirgi ýaqytta dárigerlerdiń baqylaýynda, jaǵdaıy týraly tolyq aqparat resmı organdar arqyly beriletin bolady», — dedi Úkibaı.

Sondaı-aq, baspasóz hatshysy azamattardy jalǵan aqparat taratýdan aýlaq bolýǵa jáne tek resmı derekkózderge ǵana senýge shaqyrdy.

Eske salsaq, mundaı aqparat byltyr da taraǵan bolatyn.