Ol  jazǵan hatynda:

«Ermurat Bapı aǵa men Rınat Zaıytov baýyryma.

Úsheýimiz de – Satqynbyz. Men – bılik úshin. Al sizder halyq aldynda Satqynsyzdar. Eger babalarymyz Qabanbaı men Qazymbet tirilip kelse, qaısymyzdy qamshynyń astyna alar eken» deıdi ol.

Áleýmettik jelilerde taraǵan hattyń jazylǵanyn Dýman Muhamedkárimniń ákesi Almas Tilepov rastaǵan eken.

Hattyń jazylǵanynan májilismender de habardar. Ári hattyń birinshi ózderiniń qoldaryna tıgenderin de aıtady.

– Basynda Dýmanmen ol qamalmaı turǵanynda áńgimelesken kezde kóp nárseni talqylaǵan edik. Men oǵan óz oıymdy jetkize almadym. Keıde adamǵa basqa oı salý úshin solaı tikesinen qatty-qatty nárselerdi aıtady. Buryn da ózi ıýtýb-kanalyn júrgizip júrgen kezde «myna jerde nege osylaı aıttyń?» degen kezimde «analardyń ádeıi ashýyna tıý úshin aıttym» deıtin. Sondaı stılde ózi. Burynnan jýrnalısıkadan buryn satıraǵa jaqyn, sondaı jigit qoı, – dep jaýap berdi Rınat Zaıytov.

 Al Ermurat Bapı Dýmannyń hatymen esh kelise almaımyn degen.

– Onyń ne oılap otyrǵanyn, qandaı maqsatta aıtqanyn bilmeımin. Men ol pikirge eshqashan kelispeımin. Rınat ekeýmiz kóterip júrgen máselemiz parlamenttegi zańnamalardy daıyndaý máselesine de, depýtattyq saýalda da, halyqtyq, eldik, memlekettik múdde deńgeıindegi taqyryptar. Sondyqtan Dýmannyń dolbary basqasha shyǵar. Men ol pikirmen kelise almaımyn, – deıdi ol.

 Máseleniń tarıhyna oralsaq, Ermurat Bapı men Rınat Zaıytov qatysqan Májilis saıylaýyna jýrnalıs Dýman Muhamedkárim de kandıdatýrasyn usynǵan. Alaıda ony kandıdat retinde tirkemegen. 19 naýryzda ótken Májilis saılaýynyń nátıjesine qarsylyq bildirip, halyqty jappaı kóteriliske shaqyrǵany úshin 25 táýlikke qamalǵan bolatyn. Keıin ony qamaý merzimi uzartylyp, ústinen qylmystyq is qozǵaldy.

Sodan beri jýrnalıs túrmede áli otyr. Tipti birneshe ret ashtyq jarıalady. Qazaqstandyq quqyq qorǵaýshylar Dýman Muhamedkárimdi «saıası tutqyndar» tizimine engizgen.