Astanada úı podezinde balalardy sabap, qylqyndyrǵan 30 jastaǵy er adam ustaldy. Astana qalasynyń polısıa departamenti bul aqparatty rastady, dep jazady Qamshy.kz aqparat agenttigi.
Oqıǵa qaladaǵy "Edem Palas 2" turǵyn úı kesheninde bolǵan.
"Baıqońyr aýdanynyń polısıa basqarmasy bul derek negizinde turǵyn úı kesheniniń 30 jastaǵy turǵynyn anyqtap, ustady. Buzaqylyq faktisi boıynsha qylmystyq is qozǵaldy. Sotqa deıingi tergeý júrgizilip jatyr", - dep jazylǵan habarlamada.
Astanada bolǵan qylmystyń vıdeosy keshe taraǵan. Vıdeony áleýmettik jelige bloger Nasıma Qorǵanbekova bólisti. Vıdeoda er adamnyń balalardy uryp-soǵyp, qylǵyndyrǵanyn kórýge bolady.
