Bul – XXI  ǵasyr.  Biz órkenıetti qoǵamda ómir súrip jatyrmyz deımiz ózeýrep.  Áńgime ýaqyt tiliniń XXI  ǵasyrdy kórsetýinde emes.  Data men sıfrlardyń aýysýy bir nárseni ózgertetini  ras bolsa, búginderi Úndistandaǵy bes mıllıon adamnyń sıyrǵa tabynýyn qandaı  qısyndarmen túsindirýge bolady? Álde, sıyrdyń qudaı emestigin túsiný úshin taǵy da tórt myń jyl ótýi kerek pe eken?

Endigi sózdi ÓRKENIET uǵymyna qaraı bursaq. Biz ÓRKENIET dep neni aıtyp otyrmyz ózi? Aq kóılektiń syrtyna qara kostúm kıip alyp, máz bolysyp mersedes mingendigimizdi me, álde  ınternetke qosylǵan aıfon alty telefonymyzdyń bar ekendigin be? Joq, bolmasa ishinde baseıni  bar bıik kotejde turatynymyz týraly ma?  

AL  SANAMYZ BEN  PARASATYMYZDYŃ KÓKJIEGİ SHE?

ONYŃ QANDAI JETİSTİKTERİN AIRYQSHA ATAP, ALǴA TARTQAN BOLAR EDİK? 

 Anaıy bolsa da, aıtpasqa lajymyz joq.  Basqasyn aıtpaǵanda, dáret syndyrǵanyńnan  aqsha  jasaıtyn  bul qoǵamdy  ÓRKENIETTİ  deýge dátińniń  barmasy  anyq.  

ÁLMISAQTAN ÓZİ, ÓRKENIET DEGENİMİZ SANA MEN  RÝHTYŃ  JETİSTİGİ  BOLATYN.  Endeshe,  esh  ókpelemeýge tıispiz.  AR  men  UIAT,  OBAL   men  SAÝAP  turǵysynan  XVIII  ǵasyrdyń týmalary  Qunanbaı men  Shoń  bıler  búgingi  bizderden  áldeqaıda  ÓRKENIETTİ. 

 Qyzyq, aıaq astynan  Almanıa men Japonıa  avtokólikterin eksporttaýdan bas tartyp,  bir jylǵa derlik ınternet jelisi  isten  shyqty delik (Árıne, olaı bolýy múmkin bolmasa da). Sonda baǵanaǵy «Bul – XXI ǵasyr.  Biz órkenıetti qoǵamda ómir súrip jatyrmyz» dep shirengen  «qaǵıdasymaǵymyz» qaıda qaldy?  Biz  bul  «haostan»  jalǵan  kózqarastardy  jamylǵan  halyqtyń  ádemi (durysy tyrjalańash) ótirikterge  ǵana  aldanyp  otyrǵandyǵyna  kózimizdi   jetkizgen  bolar  edik.

Yqylas Ojaıuly