Tapansha tasyǵan jigit taksıde ketip bara jatyp polısıanyń nazaryna iligip qalǵan,-dep habarlaıdy «Qamshy» aqparattyq portaly Almaty qalasy İİD-i baspasóz qyzmetine silteme jasap. 

Polısıa jasaǵy Almatydaǵy Abaı dańǵyly men Rozybakıev kóshesiniń qıylysynda «Deý-Neksıa» markaly avtokólikti toqtatyp, qujat tekserý kezinde onyń jolaýshysy sebepsiz mazasyzdanyp otyrǵanyn polıseıler baıqap qalady. Tekserý kezinde mashına salonynyń ishinde, jolaýshynyń aıaǵynyń astynan jaýyngerlik atys qarýy retinde ózgertilgen travmatıkalyq tapansha tabyldy. Taǵy osyndaı bir qarý kúdiktiniń shalbarynyń balaǵynan 6 birdeı patronymen shyqqan.

Óz sózinde kúdikti qarýdy taýyp alǵanyn, tipti, polısıaǵa ótkizem degen oımen júrgenin aıtyp aqtaldy. Máseleniń mán-jaıy tergeý barysynda anyqtalatyn bolady, - delingen baspasóz qyzmeti taratqan  habarlamada.

Sonymen qatar, tergeý kezindegi sot-ballıstıkalyq saraptama qarýdyń kimge tıesili ekendigin jáne qandaı da bir qylmystarǵa qatystylyǵyn da anyqtaıtyn bolady.