2024 jylǵy 5 qyrkúıekte «Q.Jubanov atyndaǵy Aqtóbe óńirlik ýnıversıteti» KEAQ-da «AES óńirlerdiń ósýi men jańǵyrýynyń faktory retinde» taqyrybynda dóńgelek ústel ótedi.

QR Prezıdenti Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýynda eldiń saıası, ekonomıkalyq jáne áleýmettik damýynyń bolashaqtaǵy basymdyqtaryn atap ótti.

İs-shara barysynda dóńgelek ústelge qatysýshylar, sarapshylar men ǵalymdar Prezıdenttiń Qazaqstan halqyna Joldaýynyń negizgi mindetterin talqylaıtyn bolady. Sonymen qatar 6 qazanda ótetin AES qurylys jónindegi jalpyhalyqtyq referendýmnyń mańyzdylyǵy, atom energetıkasynyń keleshegi, kadrlar daıarlaý máselesi talqylanady.

«Qazaqstan Respýblıkasynyń energetıka salasynyń jaǵdaıy» jáne «Beıbit atomdy paıdalaný» taqyryptary boıynsha baıandamalar oqylady, sondaı-aq fızıkter, bıologtar men ekologtar qataryndaǵy ǵalymdar azamattardyń ómir súrý sapasyn damytý jáne jaqsartý úshin beıbit atomdardy paıdalaný týraly óz pikirlerimen bólisedi.

Jıynda Fızıka-matematıka ǵylymdarynyń doktory, profesor Qýanyshbek Shúńkeev, PhDArman Isımov, «Ekologıa» kafedrasynyń meńgerýshisi Anarbek Daýletárov, «Munaıgaz isi» kafedrasynyń oqytýshysy Álisher Dilmaǵambetov pen Aınagúl Otarbaeva spıkerler retinde sóz sóılep, pikirlerin bildirdi.