Otbasy bank "Otaý" jáne "Naýryz" baǵdarlamalaryna qatysýǵa qosymsha qabyldaý 16 qyrkúıekte bastalyp, 25 qyrkúıekti qosa alǵanǵa deıin jalǵasatynyn habarlady.

Qatysýǵa ótinimdi Baspana market portalynda (otbasybank.kz) berýge bolady.

Sondaı-aq endi "Otaý" jáne "Naýryz" baǵdarlamalarynyń sharttary birshama jeńildep, birizge túsirildi.

Endi Otaý baǵdarlamasyna qatysýshylar úshin:

- salymdy jınaqtaý merzimine sharttar qoıylmaıdy, depozıtti qatysýǵa ótinim bergenge deıin ashýǵa bolady;

- nesıeniń maksımaldy somasy ulǵaıtyldy – Astana, Almaty qalalarynda 36 mln teńge jáne basqa óńirlerde 30 mln teńge;

- Almaty jáne Astana qalalarynda turǵyn úı satyp alý orny boıynsha tirkelý talaby joıyldy;

- halyqtyń áleýmettik osal toptary sanatyndaǵy turǵyn úıge muqtaj jan retinde esepte turǵan adamdar úshin syıaqy mólsherlemesi 7%-ǵa (JTSM 7,3%-dan 8,9% deıin) deıin tómendetildi;

- Naýryz baǵdarlamasy negizinde eki baǵdarlama boıynsha upaı esebi birdeı júrgiziledi.