Mınıstr 2024 jyldyń 19 qańtarynda Úkimet el aýmaǵynda 5-shi ýaqyt beldeýin qoldaný týraly sheshim qabyldaǵanyn eske saldy. Tıisti ózgerister "ýaqytty esepteý tártibi týraly" qaýlyǵa engizildi.

-Bul sheshim birneshe jyl boıy osy máseleni kótergen Qostanaı jáne Qyzylorda oblystary azamattarynyń kóptegen ótinishterin eskere otyryp qabyldandy. Sheshim qabyldaý kezinde ýaqytty esepteý tártibi boıynsha arnaıy qurylǵan vedomstvoaralyq jumys tobynyń esebinde kórsetilgen ǵylymı negizdelgen dálelder paıdalanyldy, oǵan Parlament depýtattary, memlekettik jáne jergilikti organdardyń ókilderi, ǵalymdar, sarapshylar, ınstıtýttar men 60 adamnan turatyn qoǵamdyq birlestikter kirdi", – dep atap ótti.                                                                                                                  -Qazaqstanda ýaqytty esepteý júıesiniń qalyptasý tarıhy UTC+6 aldyńǵy ýaqyt beldeýi alǵash ret 1930-1931 jyldary dekrettik, ıaǵnı "buıryqtyq" ýaqytty ("beldeýlik ýaqyt plús bir saǵat") paıdalaný arqyly engizilgenin kórsetedi. Jalpy, keńestik kezeńde Qazaqstanda komandalyq-josparly ekonomıka múddesi úshin tabıǵı ýaqyt beldeýi buıryq tártibimen segiz ret ózgerdi. Nátıjesinde, Qazaqstanda tabıǵı sıklge sáıkes kelmeıtin ýaqyt beldeýlerinde turdyq, — dedi Shákqalıev.

Iaǵnı, onyń aıtýynsha,  UTC+5 bizdiń elimiz úshin jańa beldeý emes, tarıhı negizdelgen ýaqytqa oralý bolyp tabylady. Bul beldeý el halqynyń 76%-dan astamy nemese 15 mln-nan astam adam kiretin Astana, Almaty, Petropavl, Óskemen, Shymkent, Semeı jáne Pavlodar qalalaryn qosa alǵanda, 67,5-ten 82,5 gradýsqa deıingi boılyqty qamtıdy.