1 qarashadan bastap Almatyda jol boıyndaǵy avtoturaqtar tegin bolmaq. Bul týraly «Qamshy» portaly Almaty qalasy ákimdiginiń baspasóz qyzmetine silteme jasaı otyryp habarlaıdy.
Mundaı sheshim Almaty ákimdiginde qaladaǵy avtoturaq ınfraqurylymyn damytý máselelerin qarastyrǵan jıynda qabyldanǵan. Buǵan trotýar tıptes turaqtardy paıdalanýshy kásiporynnyń kelisim-shart talaptaryn oryndamaýy jáne birqatar salyqtyq zańnamalar talaptarynyń buzýylýy sebep bolǵan.
Ákimdik kelesi jyly aqyly avtoturaqtardyń birińǵaı júıesin engizbekshi. Sondyqtan, 2016 jyldyń 1 mamyryna deıin, ıaǵnı jańa júıe engenshe almatylyqtar jol boıyndaǵy turaqtardy tegin paıdalanatyn bolady.
Sondaı-aq, ákimdiktegiler 1 qarashadan bastap turaqtarǵa aqsha talap etý derekteri boıynsha «109» qyzmetiniń senim telefonyna habarlaýdy suraıdy. Biraq, atalǵan tyıymnyń saýda ortalyqtary, áýejaı, vokzal mańyndaǵy, taǵy basqa jeke menshik nysan aýmaǵyndaǵy avtoturaqtarǵa qatysy joq ekenin eske salamyz.
