Mınıstrdiń aıtýynsha, mektepterde qarajat jınaý múldem bolmaýy kerek. Bul kez kelgen oqıǵaǵa, sonyń ishinde bitirý keshine de qatysty. Ol mınıstrliktiń buıryǵymen mektepte aqsha jınaýǵa tyıym salynǵanyn eske saldy.

"Kez kelgen is-sharany aqshasyz túrde ótkizýge bolady, ásirese qazir barlyq sharalar "Birtutas tárbıe" baǵdarlamasy aıasynda josparlanǵan. Kez kelgen is-shara óskeleń urpaqty tárbıeleýge baǵyttalýy kerek", – dedi Beısembaev.

Muǵalimderge tek kásibı merekesinde gúl syılaýǵa ruqsat etilgen dedi.

"Muǵalimder eshkimnen syılyq kútpeıdi, biz, muǵalimder, materıaldyq syı-syıapatsyz-aq balalardy oqytamyz jáne tárbıeleımiz. Eger jeke uıymdarda áli de aqsha jınaý faktileri baıqalsa, bizge habarlaýlaryńyzǵa bolady, biz tıisti sharalardy qabyldaımyz", – dedi mınıstr.

Mektepterde merekeler men is-sharalardy eshqandaı qosymsha shyǵynsyz uıymdastyrýǵa bolady dedi.