Jobada uldar men qyzdarǵa arnalǵan bólek bloktar, medısınalyq blok, asqana, oıyn bólmeleri qarastyrylǵan. Jataqhana barlyq zamanaýı talaptarǵa saı jasalady dep josparlanǵan.
“Búginde "Saıram kómekshi mektep-ınternat-kolledji" arnaıy kesheninde 363 adam oqıdy. Jańa ǵımarattyń qurylysy 120 oqýshyǵa arnalǵan jataqhanadaǵy oryn tapshylyǵyn joıýǵa múmkindik beredi. Nysan 1975 jyly salynǵan. Qazirgi ýaqytta turýǵa oryn tapshylyǵyna baılanysty oqý ornyndaǵy keıbir kabınetter balalarǵa arnalǵan jatyn bólmeleri retinde qaıta baǵdarlanǵan. 67 oqýshy úıde oqýǵa májbúr. Jańa jataqhana balalardyń ómir súrýine jáne olardyń sapaly bilim alýyna qolaıly jaǵdaı jasaıdy”, – delingen habarlamada.
Pikir qaldyrý