ORAL. QazAqparat - «Nurly jol» baǵdarlamasyna sáıkes Batys Qazaqstan oblysyna 9 mlrd. astam teńge bólindi. Osy qarjynyń jumsalýy «nurotandyq» depýtattardyń baqylaýynda. Bul týraly oblystyq máslıhattaǵy depýtattyq fraksıa otyrysynda «Nur Otan» partıasy oblystyq fılıaly tóraǵasynyń birinshi orynbasary Serik Súleımen málim etti.
Onyń aıtýynsha, Ulttyq qordan bólingen qarjynyń tıimdi de maqsatty ıgerilýine baqylaý ornatý maqsatynda «Nur Otan» partıasy ortalyq apparatynyń tapsyrmasyna sáıkes tórt komısıa qurylyp, jumys jasaýda.

Otyrysta komısıa tóraǵalary atqarylǵan ister jóninde baıan etti. Mysaly, turǵyn úı-kommýnaldyq sharýashylyq máseleleri jónindegi komısıa tóraǵasy Álibek Sátbaevtyń sózine qaraǵanda, bul baǵytta qarjy kestege sáıkes ıgerilýde. Shyn mánisinde baqylaý jumysynyń depýtattarǵa júktelýi halyq qalaýlylaryna degen senimdi kórsetedi.

Kóliktik-logıstıkalyq ınfraqurylym máseleleri jónindegi komısıa jetekshisi Valerıı Goloýhovtyń málim etkenindeı, aı saıyn májilister, sondaı-aq tikeleı nysandar basynda tapsyrys berýshilermen jáne merdigerlermen  kóshpeli otyrystar ótkizilip turady. Bul baǵyt boıynsha oblysta Ulttyq qor esebinen bir nysan (temirjol ótkelinen «GTES-200» alańqaıyna deıin kireberis jol ýchaskesin qaıta qurý) qarjylandyrylýda. Qazirgi kezde uzyndyǵy 4 km 86 metr avtojol qurylysy júrgizilýde. Buǵan Ulttyq qordan 383,482 mln. teńge qaralsa, sonyń 339,6 mln. teńgesi ıgerildi. Atalmysh nysanda 34 jumys orny ashylǵan. Bul nysandy aldaǵy jyly qańtarda berý josparlanǵanymen, merdiger qurylys-montaj jumystaryn bıylǵy 15 qarashada bitirýdi kózdeýde.

Jıynda sondaı-aq BQO jumyspen qamtýdy úılestirý jáne áleýmettik baǵdarlamalar basqarmasynyń basshysy Janbolat Imanǵalıevtiń «Jumyspen qamtýdyń jol kartasy - 2020», oblystyq aýyl sharýashylyǵy basqarmasynyń basshysy Marat Ońǵarbekovtiń «Agrobıznes - 2020» baǵdarlamasynyń júzege asyrylý barysy jónindegi esepteri tyńdaldy.

Derekkóz: Qazaqparat