ASTANA. QazAqparat - Aqmola oblysynda «Nurly jol» baǵdarlamasyn júzege asyrý aıasynda 1,1 mlrd. teńgeniń 11 ınvestısıalyq jobasy júzege asyrylýda. Bul týraly oblystyq ákimdiktiń baspasóz qyzmetinen habarlady.
Bul jobalardyń altaýy - Turǵynúıqurylysjınaqbank baǵyty boıynsha arendalyq turǵyn úılerdiń qurylysyn salý baǵytynda bolsa, tórteýi ınjenerlik-kommýnıkasıalyq ınfraqurylym, al 1 joba - mektepke deıingi bilim berý nysanyn salý boıynsha.
Aqmola oblystyq qurylys basqarmasynyń basshysy Amangeldi Smaılovtyń aıtýynsha, «Nurly jol» baǵdarlamasy boıynsha búginde Kókshetaýda 150 páterlik «Jansaıa» TK 5 úı salynýda. Bul arendalyq turǵyn úıler 2015-2016 jyldary paıdalanýǵa beriletin bolady.
Býrabaı aýdanynyń Shýche qalasyndaǵy taǵy bir 75 páterli kóp qabatty turǵyn úıdiń qurylysy da aıaqtalýǵa jaqyn.
Sondaı-aq, baǵdarlama aıasynda ınjenerlik-kommýnıkasıalyq ınfraqurylym boıynsha 4 joba júzege asyrylýda. Bul Kókshetaý qalasyndaǵy «Jansaıa» turǵyn-úı kesheni aýdanyndaǵy bes 30 páterli úıdiń syrtqy ınjenerlik jelileri qurylysy men olardy abattandyrý jobalary (Olardyń júzege asyrylý merzimi - 2014-2015 j., smetalyq quny - 304,7 mln. teńge). Búgingi kúni bul jerde sýmen, jylýmen jabdyqtaý, káriz júıesin júrgizý sıaqty jumystar aıaqtalǵan, kóriktendirý boıynsha, transformatorlyq podstansıany montajdaý, gazgolderlik qondyrǵyny ornatý boıynsha jumystar jalǵasýda. Injenerlik jelilerdiń jalpy uzyndyǵy 8,34 km, abattandyrylatyn aýmaq 10 783 m2. Jumystardy aıaqtaý 2015 jyldyń 4-toqsanynda dep josparlanýda. Sondaı-aq, Kókshetaý qalasynyń Vasılkovskıı shaǵyn aýdanynyń teriskeı betindegi 3 toǵyz qabatty turǵyn úıge arnalǵan ishki oram jelisiniń qurylysy jáne abattandyrylýy. Jeliniń jalpy uzyndyǵy 2,79 km, abattandyrylý aýmaǵy 8 812 m2.
Kókshetaý qalasynyń Vasılkovskıı shaǵyn aýdanynyń teriskeı betindegi 5 qabatty 45 páterli turǵyn úıdiń ishki oram jelisiniń qurylysy jáne abattandyrylýy. (Júzege asyrylý merzimi - 2015 j., smetalyq quny - 35,5 mln. teńge). Injenerlik jeliniń jalpy uzyndyǵy 0,86 km, abattandyrylý aýmaǵy 4 494 m2. Jumysty aıaqtaý 2015 jyldyń 4 toqsanynda dep josparlanýda.
Býrabaı aýdanynyń Shýche qalasyndaǵy Magnıtnaıa jáne Shkolnaıa kósheleriniń boıyndaǵy eki 75 páterli turǵyn úıdiń syrtqy ınjenerlik jelileriniń qurylysy men olardy abattandyrý. (Olardyń júzege asyrylý merzimi - 2014-2015 j., smetalyq quny - 144 mln. teńge). Taǵy bir joba - Kókshetaý qalasyndaǵy 280 oryndyq mektepke deıingi bilim nysanynyń qurylysy boıynsha (júzege asyrý merzimi - 2013-2016 jyldar, joba quny - 686,2 mln. teńge). Bul jerde 2-qabattyń kirpishin qalaý jumystary júrgizilýde. Jylýmen jáne sýmen jabdyqtaýdyń syrtqy jelileri boıynsha jumystar aıaqtalǵan.
Derekkóz:Qazaqparat
