QYZYLORDA. QazAqparat - «Nur Otan» partıasy «Baqyty balalyq» jobasy aıasynda «Bolashaqqa qarjy salamyz!» aksıasyn aǵymdaǵy jyldyń 7 shildesinde  Astana qalasynan bastaǵan bolatyn. 

Osyǵan oraı atalmysh aksıa  saıası uıymnyń barlyq fılıaldarynda jalǵasyn taýyp, jetim jáne ata-anasynyń qamqorlyǵynsyz qalǵan balalarǵa arnalǵan arnaıy  esepshottar ashylyp, salymdar salyndy.

Búgin  Qyzylorda oblystyq partıa fılıalynyń májilis zalynda qalalyq partıa fılıalynyń uıymdastyrýymen quqyq qorǵaý organdary, ádilet qyzmetkerleri, sýdıalar demeýshiligimen 18 balaǵa esepshottar ashyldy.

 «Baqytty balalyq» partıalyq joba aıasyndaǵy sharanyń negizgi maqsaty - ekinshi dárejedegi bankterge aqshalaı qarjy jınaqtaý jolymen balalardyń joǵary bilim alýyna yqpal etý.

«Elbasy, Partıa Tóraǵasy Nursultan  Nazarbaev «Bilimge salynǵan ınvestısıa - bolashaqqa salynǵan qarjy» - dep atap ótti. Bul bilimge salynǵan ınvestısıanyń araǵa jyldar salyp eselep qaıtatynyn meńzep, urpaqtyń bilimi men oı-sanasynyń ushqyr bolýy jolynda eshteńe aıamaıtyn eldiń eńsesi bıik ekenin dáleldeıdi», - dedi óz sózinde oblystyq partıa fılıaly Saıası jumystar bóliminiń meńgerýshisi Altynbek  Jarylqasynov.

Jalpy aksıaǵa oblys boıynsha  partıa apparatynyń barlyq  qyzmetkerleri, oblystyq máslıhattaǵy fraksıa músheleri, depýtattar,  bastaýysh partıa uıymy jetekshileri, jasotandyqtar, kásipkerler  atsalysty.

Aıta ketý kerek, «Baqytty balalyq» jobasy aıasyndaǵy sharaǵa elimiz boıynsha 3000, al Qyzylorda oblysy boıynsha 150 balaǵa  salym  salý kózdelse, oblystyq partıa fılıaly bul mejeni 10 balaǵa artyq oryndap, aksıany  qorytyndylady, dep habarlaıdy saıası uıymnyń oblystyq fılıalynyń baspasóz qyzmeti.

Derekkóz:Qazaqparat