QYZYLORDA. QazAqparat - Elbasynyń tapsyrmasyna oraı sý qoımasynyń bógetin nyǵaıtý jumystary júzege asýda. Tótenshe jaǵdaıdyń aldyn alý maqsatynda QR İshki ister mınıstriniń orynbasary Vladımır Bojko, oblys ákiminiń orynbasary Serik Qojanıazov jáne Qyzylorda oblysy TJD bastyǵy Omar Berjanov Qyzylorda oblysy Jańaqorǵan aýdanyndaǵy «Qyrash» sý qoımasyndaǵy júrgizilip jatqan aǵymdaǵy jóndeý jumysymen tanysty.
Bul týraly oblystyq TJD baspasóz qyzmeti habarlady.
Jańaqorǵan aýdanyndaǵy alty sý qoımasynyń biri «Qyrash» aýyldyq okrýginen jarty shaqyrym jerde ornalasqan. «Qyrash» aýyldyq okrýginde 880 adam turady. Okrýg atyna attas sý qoımasy 1928 jyly paıdalanýǵa berilgen. Syıymdylyǵy - 2,5 mıllıon kýb metrdi quraıdy, jalpy aýdany - 28,5 gektardy alyp jatyr.
2011 jyly sý qoımasyna kúrdeli jóndeý júrgizilgen. Bógettiń bıiktigi bıiktetilip, sý jibergish jáne artyq sý tastaǵysh qurylystary jónideldi. 2014 jyly qosymsha jóndeý jumysy jasaldy. Osy jyldyń qyrkúıek aıynda aǵymdaǵy jóndeý jumysy jasalýda. Búgingi kúnge deıin «MurapServıs Shıeli» JSHS jumystyń 85 paıyzyn támamdap, kelesi aıda tolyq aıaqtaýdy josparlap otyr.
«Qyrash» sý qoımasy asa úlken bolmasa da, birshama máselelerdiń aldyn alatyny anyq. Sondyqtan, tótenshe jaǵdaı týyndamas úshin aǵymdaǵy jóndeý jumysyna qarjy bólinip otyr.
İshki ister mınıstrligi eldiń barlyq aımaǵyndaǵy sý qoımalarynyń jóndeý jumystaryna basa nazar aýdaryp otyr. Klımattyń jıi ózgerip otyrýyna oraı sý tasýy, bógetterdiń bekitilýi nazarda tur. Bógetter jyrtylyp ketken ýaqytta ekonomıkalyq shyǵyndarǵa, tipti adam ólimine ákep soǵýy múmkin ekendigi belgili.
Qazirgi tańda biz qysqy maýsymǵa daıyndyq oqý-jattyǵýyn júrgizý úshin daıyndyq jasalýda. Qysqy kezeńde aýa raıynyń sýytýyna oraı kóptegen máselelerdi týyndatýy múmkin. Aýyl sharýashylyǵy mınıstrligimen birlesip, sý qoımasyn toltyrý, kóktemdegi sý tasqynynyń aldyn alý jumystary atqarylýyda.
Jalpy, ishki ister mınıstriniń orynbasary oblysta atqarylyp jatqan sý qoımasyn jóndeý jáne sý tasqynynyń aldyn alý jumysyna oń baǵasyn berdi.
"Qamshy"silteıdi
Derekkóz: QazAqparat
