SHYMKENT. QazAqparat - «Uly Dala eli» tarıhı-mádenı ekspedısıasy Túrkistanǵa keldi.
Qazaq handyǵynyń 550 jyldyǵyna arnalǵan ekspedısıa qatysýshylaryn Qoja Ahmet Iassaýıdiń kesenesi aldynda qoshemetpen qarsy aldy. Eske sala keteıik, bul aýqymdy aksıanyń basty mısıasy - Qazaqstan halqynyń tarıhı-mádenı jáne rýhanı murasyn nasıhattap, taný negizinde qazaqstandyq birtektilik pen ulttyq birlikti nyǵaıtý.

Ekspedısıaǵa ólketanýshylar, etnomádenı birlestikterdiń, memlekettik mekemelerdiń basshylary, QHA músheleri jáne jastar kóshbasshylary qatysýda.

Ońtústikqazaqstandyqtar Qyzylorda oblysy delegasıasynan estafetalyq kúndelik-kitapty saltanatty túrde qabyldap aldy, ol ekspedısıa boıyndaǵy kelesi oblysqa berilip otyrylady. Bul kitapqa respýblıkalyq ekspedısıa qatysýshylary bolǵan jerlerinen kúndelik jazyp, qyzyqty oqımǵalarǵa, el tarıhyna basa nazar aýdaryp otyrady.

 «Bul kúnderi ekspedısıa bizdiń óńirde bolǵan kezinde biz kóptegen qyzyqty oqıǵalardy qamtyp jazamyz. Biz ony laıyqty derektermen tolyqtyryp, Qazaq handyǵynyń 550 jyldyǵynyń basty sharalary ótetin Jambyl oblysyna tapsyramyz», - dedi respýblıkalyq ekspedısıa qatysýshysy Keńes Ysmaıylov.

Ońtústik Qazaqstanda ekspedısıa 4 kún aıaldaıdy. Osy kezde delegasıa Qazaq handyǵynyń qurylýy, nyǵaıýy jáne gúldenýi tarıhymen baılanysty birneshe aýdandarda bolmaq. Máselen, ekspedısıa ejelgi Túrkistan qalasynyń tarıhı-mádenı oryndarynda, Otyrar, Ordabasy, Báıdibek, Sozaq aýdandarynda bolyp, ǵylymı-tanymdyq sharalar ótkizedi.

Ekspedısıa aıasynda aýdandar halqymen kezdesýler josparlanǵan, onda turǵyndarǵa Ult jospary - «100 naqty qadam» túsindiriledi, Qazaq handyǵynyń tarıhy men memlekettiliktiń bastaýlaryna arnalǵan áńgimeler ótkiziledi.