TARAZ. QazAqparat - Jambyl oblysy ákiminiń orynbasary Erqanat Mánjýov ejelgi Taraz qalashyǵynyń aýmaǵynda tikeleı efırde kórsetilgen baspasóz máslıhaty barysynda qazaq memlekettiginiń mereıtoıyn merekeleýge ázirliktiń sońǵy qorytyndylary týraly baıandady.
Onyń aıtýynsha, merekelik saltanattardy ótkizý belgilengen nysandardyń kópshiliginde qazirdiń ózinde jumystar aıaqtaldy.
«Tarazda mereıtoılyq sharany merekeleýdi uıymdastyrýǵa eldiń barlyq óńirleri belsene qatysty. Pavlodar oblysy Táýke han kóshesindegi kópir aıryǵyn bezendirýdiń biregeı jobasyn oryndady. Qostanaı jáne Qyzylorda oblystary birlesip, «Qarahan» kesenesi tarıhı eskertkishi janynda aleıa jasady. Almaty oblysy Jambyl Jabaev atyndaǵy alańdy abattandyrýǵa óz úlesin qosty, - dedi ol. - Mereıtoıdyń áziárlik jumystaryna jambyldyq kásiporyndar, uıymdar, jeke adamdar qatysty. Olar kósheler men ǵımarattardyń qasbetterin jóndep abattandyrdy, sondaı-aq merekelik sharalar ótkizý josparlanǵan nysandardyń materıaldyq-tehnıkalyq bazasyn jaqsartý jumystarymen aınalysty».
Mereıtoıdy ótkizýge Úkimet rezervinen 2,9 mlrd. teńge bólindi, dep atap ótti E.Mánjýov. «Qazaq handyǵy» monýmentin, «Ejelgi Taraz» murajaıyn, etnomádenı ortalyq salýǵa, oblystyq drama teatryn kúrdeli jóndeýge oblys búdjetinen 768 mln. teńge jumsaldy», - dep atap ótti ol.
Qazaqstannyń óńirleri Tarazdaǵy nysandardy jańǵyrtýǵa 870 mln. teńge qarjy qosty. Biz sondaı-aq demeýshilermen belsendi jumys jasadyq, olar 860 mln. teńgedeı kómek berdi.
"Jumsalǵan qparajattardyń bári Jambyl oblysyn damytýǵa jáne halqynyń ıgiligine, týrısik klasterdi damytýǵa paıdalanyldy", - dedi ol.
Jambyl oblysy ákiminiń orynbasary oblys ortalyǵynyń qazirgi ınfraqurylymdyq jaı-kúıi merekelik sharalar kezinde qonaqtardyń jaıly turýyn qamtamasyz etetinine sendirdi.
Eske sala keteıik, Qazaq handyǵynyń 550 jyldyǵyn merekeleý bıylǵy jyly eldiń barlyq óńirlerinde ótýde. Budan 550 jyl buryn Jaısań shatqalynda, Talas jáne Shý ózenderiniń aralyǵynda Kereı jáne Jánibek sultandar Qazaq handyǵynyń irgesin qalaǵan bolatyn, Jambyl oblysynda, 7, 8, 9 qazan kúnderi osy aıtýly mereke keń aýqymda atalyp ótedi.
