KÓKSHETAÝ. QazAqparat - BUU 70 jyldyq mereıtoılyq sesıasynda Elbasy kótergen bastamalar Qazaqstannyń álemdik arenadaǵy bedelin arttyrady.
Aqmola oblysyndaǵy qoǵam qaıratkeri, jazýshy Ǵosman Tóleǵul osyndaı pikir bildirdi.
Onyń aıtýynsha, Elbasy N.Nazarbaevtyń búkil álem elderi basshylarynyń aldynda sóılegen sózinde BUU-nyń Ekonomıkalyq jáne Áleýmettik keńesin Jahandyq damý Keńesine aınaldyrý, Uıymynyń júz jyldyǵyna Jahandyq Strategıalyq Bastama - 2045 josparyn, HHİ ǵasyrdaǵy ıadrosyz álem qalyptastyrýdyń jańa bolashaqtyq tujyrymdamasyn ázirleý, sondaı-aq, BUU-nyń shtab-páterin Azıaǵa kóshirý máselesin oılastyrýdy usynǵany bul elimizdiń álemdik arenadaǵy bedelin arttyryp qana qoımaı, ishki saıası turaqtylyqty nyǵaıtýǵa jáne ekonomıkamyzdyń odan ári qaryshtap damýyna jol ashpaq.
«Elbasymyz Nú-Iork qalasynda ótken álemdegi eń bedeldi uıym BUU Bas Assambleıasynyń mereıtoılyq sesıasynda dúnıejúzi elderiniń jahandyq damýyna qatysty qadaý -qadaý mindetterdi alǵa tartyp, bul joly da óziniń danagóıligimen álem basshylaryn tańqaldyrdy. Ásirese, Eýrazıanyń kindiginde ornalasqan Qazaqstan úshin bul mindetter nemese alǵa qoıǵan maqsattar aýadaı qajet. Qazirgi kezde Táýelsiz Qazaqstandaǵy dinaralyq, etnosaralyq tatýlyq pen turaqtylyq, qoǵamdyq kelisim jáne áleýmettik-ekonomıkalyq damýyndaǵy jetistikterdi búkil álem moıyndap otyr.
BUU-nyń Ekonomıkalyq jáne Áleýmettik keńesin Jahandyq damý Keńesine aınaldyrý, Uıymynyń júz jyldyǵyna Jahandyq Strategıalyq Bastama - 2045 josparyn, HHİ ǵasyrdaǵy ıadrosyz álem qalyptastyrýdyń jańa bolashaqtyq tujyrymdamasyn ázirleý jónindegi usynysy oǵan múshe elder arasynda qoldaý tabatyny anyq. Al, BUU-nyń shtab-páterin álem halqynyń úshten ekisi ornalasqan Azıaǵa kóshirý máselesin oılastyrý bul asa zor strategıalyq mańyzǵa ıe. Elbasynyń Azıa dep turǵany ol bizdiń súıikti, dúnıejúzilik saıası arenada oıyp turyp oryn alatyn BUU meńzeıtin beıbitshilik pen kelisimniń mekenine aınalǵan Astana ekeni sózsiz. Bedeldi uıymnyń shtab páteri keleshekte osynda kóshiriletin bolsa, onda onyń óńirdiń damýyn, turaqtylyǵyn jáne qaýipsizdigin qamtamasyz etý úshin mańyzy zor bolar edi. Sondyqtan, Birikken Ulttar Uıymynyń 70 jyldyq mereıtoılyq sesıasynda Elbasy N.Nazarbaev kótergen bastamalar Qazaqstannyń álemdik arenadaǵy bedelin arttyryp qana qoımaı, ishki saıası turaqtylyqty nyǵaıtýǵa jáne ekonomıkamyzdyń odan ári qaryshtap damýyna jol ashatyny sózsiz», deıdi Ǵ.Tóleǵul.
