Taıaý Shyǵystaǵy mańyzdy teńiz joly – Ormýz buǵazy mańynda jaǵdaı kúrt shıelenisti.

Iran syrtqy ister mınıstri Abbas Aragchı AQSH-ty aımaqtaǵy qaqtyǵysqa qaıta aralaspaýǵa shaqyryp, «batpaqqa qaıta batpańdar» dep eskertti.

Al Donald Tramp bastaǵan «Project Freedom» operasıasy aıasynda AQSH áskeri buǵazda turyp qalǵan júk kemelerin qaýipsiz alyp shyǵýdy qolǵa alǵan.

Iran buǵazdy tolyq baqylaýda ustaıtynyn málimdep, sońǵy táýlikte áskerı jáne komersıalyq kemelerge zymyrandar jáne drondarmen shabýyl jasaǵanyn habarlady. AQSH óz kezeginde jeti ırandyq «jyldam kemege» soqqy jasaǵanyn málimdedi, biraq Tegeran bul málimdemeni joqqa shyǵardy.

Shabýyldar saldarynan Ońtústik Koreıa jáne BAÁ kemeleri zaqymdanǵan.

Sonymen qatar Iran shabýyly nátıjesinde BAÁ-degi munaı qoımasynda órt shyqqany aıtyldy.

Qazirgi tańda buǵazda shamamen 2000-ǵa jýyq keme turyp qalǵan. AQSH málimetinshe, eki amerıkalyq keme aımaqtan shyǵyp úlgergen. Al Maersk kompanıasy óz kemeleriniń biri AQSH áskerı súıemeldeýimen buǵazdan ótkenin habarlady.

Jaǵdaıdyń ýshyǵýy álemdik saýda men munaı tasymalyna úlken qaýip tóndirip otyr.