Taǵy bir jas qyrshyn ózin-ózi ólimge qıdy... Tiri adamnyń órtenip-ólim qushqanyn shimirikpesten kameraǵa túsirip, asqan beıqamdyqpen áleýmettik jelige "súıinshileı" júktep-jetkizgender óz aramyzda júr... Al ınternet ıirimindegiler úshin shýlasyp-daýlasatyn taǵy bir taqyryp tabyla ketti... Kesheden beri ılep-ılep, ıinin qandyrdyq... Bılik ádettegideı qurǵaq resmı aqparmen shekteldi...
Qoǵam bolsa, bul sýısıdtiń astaryna úńilip, munyń artynda "kóleńkeli kúshterdiń astyrtyn saıasaty jatyr ma", álde ózine-ózi qol salý – áleýmettik lıftiniń tómengi qabatynda ábden tıtyqtaǵan jandardyń júginer sońǵy ınstansıasyna aınaldy ma degendeı saýaldarǵa jaýap izdep jatyr... Ótken jyldyń alty aıynda (resmı málimet)1448 qazaqstandyq sýısıd jasapty...Taǵy bir aqparat kózderinde bir jylda 8 myńǵa jýyq adam qaza tabady degen beıresmı málimet júr. Al, Dúnıejúzilik densaýlyq saqtaý uıymynyń málimetinshe, Qazaqstan sýısıd boıynsha onynshy orynda. Nege? Nege? Nege?
Bıliktiń minberinen, baspasóz betinen, áleýmettik jeliden osy suraqqa jaýap izdep shyńǵyryp jatyrmyz... "Zdorovoe telo, zdorovyı ým ı zdorovaıa rech tvorát garmonıchnýıý lıchnost degendi oqyp em... Menińshe, turǵynnyń turmysy ońalmaı, qoǵamnan sózi túzý, jany jaısań, ózine myǵym tulǵanyń qalyptasýyn talap etý bekershilik... Baý-baqshaǵa sý quımasań solyp qalady, al kútimin kelistirseń jaıqalyp jemis beredi... Halyq ta týra sol jemis sekildi... Bapty qajet etedi... Jaǵdaıyn jasasań ǵana, gúldep-kóktep, ósip-ónedi... Bizdiń bankterdi nege Batys nesıelendirýden bas tartty. Sebep, "saqaldy" nesıeler bizde 30%. Jazda Prezıdenttiń nusqaýymen 250 mlrd. bólinip, problemaly kredıttiń 10 paıyzyn búdjet japty. Óıtkeni kópshilik alǵan nesıesin qaıtarýǵa qaýqarsyz... Áıtpese, qaryzymyzdy qaıtarǵansha, nanǵa qara sýdy bylǵap isher qazaqpyz... Eldiń áleýmettik jaǵdaıyn tıisti deńgeıde sheshý úshin ne isteý kerek... Makro-mıkroekonomıkalyq faktorlardy tizbektemeı, qarapaıym qoldan keler dúnıeni sóz etsek... Ákimder qalany qalaı sáýletti etem dep janyqpaýy kerek, árbir turǵynymdy qalaı dáýletti etem dep tyrmysýy tıis... Sheneýnik myna jobadan qalaı paıda tabam dep emes, budan azamattarǵa nendeı paıda keledi dep qam qylsa... Shendi-shekpendiler óz otbasyna qalaı jaǵdaı jasap otyr, dál solaı halqyn aıalap-mápelese...Jáne árıne kez-kelgen qyzmetker, azamat bıliktiń aldynda emes, halyqtyń aldynda upaı jınaýdy murat tutsa... İshki ımýnıteti myqty halyq qana, túrli soqqylarǵa toıtarys berip otyrady... Árıne, munyń bári "banalno" estilýi múmkin... Biraq, áleýmettik ahýal ońalmaı, qoǵam depressıvti kóńil-kúıden arylmaıdy! Ádilet aıtý bizden,tórelik kóptiń qaqy!
Dına Tólekovanyń feısbýk paraqshasynan
