Elimizde ınfraqurylymdy damytýǵa, ásirese, jol qurylysy salasyna mańyz berilip otyr.
Bıyl qurylys jumystary aıaq­talýǵa tıis bes oblysty qatar basyp ótetin Batys Eýropa – Batys Qytaı ha­lyqaralyq kólik dálizin aıtpaǵanda, ob-lys pen oblys, aýdan men aýdan, tipti aýyl aralarynda jol salý, ony kúrdeli jáne aǵymdaǵy jóndeý jumystarynan ótkizý jumystary qalypty júrgizilip ke­ledi. Elbasynyń jyl saıynǵy Qazaqstan halqyna arnalǵan Joldaýlarynda da ın­fraqurylym, jol, temir jol, jalpy, qa­ty­nas máselesine úlken mańyz beriledi. Osyn­daı turaqty qadaǵalaý men naqty tap­syrmalar jol qurylysy salasy jumys­ta­ry­nyń boıyna qan júgirtip otyrǵany da ras. «Qazaqavtojol» respýblıkalyq memle­kettik kásiporny Ońtústik Qazaqstan ob­lys­tyq fılıaly da el aýmaǵynda atqa­ry­lyp jatqan aýqymdy isten shet qalyp jat­qan joq. Qaıta barynsha úles qosýǵa tyrysyp jatqan jaıy bar. 
– «Qazaqavtojol» OQO fılıaly – «Qa­zaqavtojol» RMK-nyń sharýashylyq jumystaryn júrgizetin qurylymdyq bó­limshesi. Fılıal respýblıkalyq mańyzy bar avtokólik joldary 636 shaqyrym jol­dyń kútimin úzilissiz qozǵalyspen qam­tama­syz etý maqsatynda jumys jasap ja­tyr. Ujymda 152 adam eńbek etedi, – deıdi bú­gingi tańda «Qazaqavtojol» RMK OQO fı­lıal dırektorynyń mindetin atqarýshy Nurlan Qasymbaev. – Mekemede 3 jol paı­dalaný telimi, 7 jol paıdalaný bólimi bar. Shuńqyrlardy jóndeý jumystary boıyn­sha – 14000 m2, ıaǵnı 100 paıyz oryndadyq.Avtomobıl joldaryn paıdalaný maq­sa­tyn­da 2015 jylǵy qysqy mezgilge –5807m3 qum, 335 tn tuz daıyndalyp, kóktaıǵaqqa qarsy 59 dana arnaıy tehnıkalar jóndelip, qoımaǵa 209 tn kómir daıyndaldy.
«Qazaqavtojol» RMK OQO fılıaly oblystyq mańyzy bar avtojoldyń júris bóligin belgileý, tańbalaý jumystary boıynsha kelisimshart jasasty. 
Atqarylǵan jumystar ýaqytynda, ju­mys kestesine sáıkes oryndaldy.
«Qazaqavtojol» RMK atqarylǵan ju­mystarǵa der kezinde avans retinde jáne to­lyq qarjymen qamtamasyz etip otyrdy.Jalaqy jáne salyq tólemderi ýaqtyly tolyq tólendi.
– ­Memleket basshysy Nursultan Na­zar­baevtyń «Nurly jol» – bolashaqqa bastar jol» atty Qazaqstan halqyna Joldaýy qoǵam arasynda úlken qoldaý tapty. Elbasy atalmysh strategıany júzege asyrýdyń naqty joldaryn aıqyndaı otyryp, Tá­ý­elsiz Qazaqstanymyzdy damytýdyń, árbir qazaqstandyq, árbir otbasynyń, jastar­dyń jáne keleshek urpaǵymyzdyń múdde­-sin qorǵaýdyń naqty joldaryn usyndy. Elbasymyz sannan sapaǵa kóshý máselesin erekshe atap ótti. Ozyq nanotehnologıalar men ınovasıany, ǵylymı jetistikterdi ba­rynsha keńinen paıdalanyp, barlyq sa­laǵa engizý, ekonomıkanyń tıimdiligin art­tyrý máselesine basymdyq berildi. «Kólik ınfraqurylymy – ındýstrıalyq damýdyń tamyryna qan júgirtetin júıe. Sapaly za­manaýı magıstraldarsyz damyǵan el bol­maıdy» dedi Elbasy Nursultan Ábishuly. Buǵan qosa, Qazaqstannyń qatynas jol­dary onyń Eýropa men Azıa, Soltústik pen Ońtústik arasynda ornalasýy turǵysynan mańyzdy mánge ıe. Prezıdent «Qazaqstan joly – 2050: Bir maqsat, bir múdde, bir bo­lashaq» atty Qazaqstan halqyna Jol­daýymen tek zań shyǵarý jáne atqarýshy bılikke ǵana emes, búkil halyqqa úndeýin ja­rıa etti. Elbasy strategıalyq maqsat­-tyń barlyq mindetteri árbir qazaqstan­dyqqa jetý kerektigin atap ótti. «Yrys – yntymaqqa jolyǵady, dáýlet – birlikpen tolyǵady». Aldymyzda atqarylar qy­rýar ister bar. Bul jolda eń basty qun­dy­lyǵymyz – berekeli birligimiz. Halqymyz­-da «Baq bererde elge yrys qonady, ustaǵan joly durys bolady» degen danalyq sóz bar. Biz búgingi Joldaý arqyly mereıli belestegi atqarǵan isterimizdi qory­tyn­dylap, bolashaqqa baǵdar jasadyq. Meniń pikirim – jol qozǵalysyn qamtamasyz etip, jol kólik oqıǵalaryn boldyrmaý is-shara­laryn júzege asyrý.
Ujymdaǵy qyzmetkerler men maman­dar­dyń aıtýyna qaraǵanda, mekeme bas­shy­sy Nurlan Asanuly – óz isine úlken jaýap­ker­shilikpen qaraıtyn, bilikti, isker bas­shy. Búgingi tańda el ekonomıkasy úshin stra­tegıalyq mańyzy bar avtojoldar­dyń sapaly bolýy, jol kútiliminiń der ke­zinde qaralýy osyndaǵy jumysshylarǵa baılanysty. Árbir eńbek adamymen ortaq til tabysa biletin jáne olardan óz isterine degen jaýapkershilikti talap ete biletin jas basshyǵa eńbek adamdarynyń qurmeti erek­she. Jol salasynda 15 jyldan artyq eńbek etip, qarapaıym sheber mamandyǵynan bas­shylyqqa deıin kóterilgen. Sonaý naryq zamanynyń qıyn kezeńderiniń ózinde Nur­lan Asanuly óziniń ómirlik áriptesterimen birge jol qozǵalysyn úzdiksiz qamtamasyz etip, jol kólik oqıǵalaryn boldyrmaýǵa, jolaýshylardyń baratyn jerlerine sátti sapar tilep jetkizýge yqpal etkendigin aıta alamyz. Búgingi tańda «Qazaqavtojol» RMK OQO fılıal dırektorynyń mindetin at­qarýshy Nurlan Qasymbaev jas ta bolsa, iske bas bolyp, ujymda berik tártip or­na­typ, jańa ozyq tehnologıa boıynsha ju­mys isteýge árbir eńbek adamyn jumyl­dyryp otyr. Ózi basqaratyn mekemede eń­bek tártibi jaqsy jolǵa qoıylǵan. Ujym bir kisideı «Bir maqsat, bir múdde, bir bo­la­shaq» atty Elbasynyń Qazaqstan halqyna joldaǵan Joldaýyn basshylyqqa ala oty­ryp, shyraıly Shymkentteı alyp aımaq­tyń joldarynyń toqtaýsyz jumys isteýine bar úlesterin qosa bereri sózsiz. Nurlan Asan­uly – úlkenge izetti, kishige qaıyrymdy bola biletin jan.
Nurlan Qasymbaev Óskemen jol qu­rylysy ınstıtýtyn 1990 jyly «Avtomo­bıl joldary» mamandyǵy boıynsha bi­ti­rip, ınjener-qurylysshy kvalıfıka­sıasyn alǵan. Sodan beri osy salanyń qyr-syryn meńgerip, qomaqty tájirıbe jına­ǵan. 5 bala tárbıelep otyrǵan úlgili otbasy ıesi.