Sálemetsizder me? Meniń atym Kodzasa. Tokıoda oqımyn. Men qazir qazaq tilin úırenip júrmin. Jaqynda qazaq aqyny Súıinbaı Aronulynyń 200 jyldyq mereıtoıyna qatystym. Almaty oblysy, Qaraqystaq aýylynda ótken toı óte tamasha eken. Bul toıdan men mol tájirıbe jınadym. Bul toı meniń qazaq tiline degen súıispenshiligimdi arttyra tústi. Súıinbaı Aronulynyń toıyna úkimet qyzmetkerleri, ataqty jazýshylar jınalypty, al japon stýdentteriniń bundaı toıǵa qatysýy alǵash ret. Keńes Odaǵynyń qaldyǵy bolar, Qazaqstanda qazirdiń ózinde orys tili keńinen qoldanysta, alaıda bundaı dástúrli úlken toılarda el tek qazaq tilinde sóıleıdi eken. Sahnada óner kórsetken dástúrli bıshiler, dombyrashylardan bólek, úkimet adamdary men Jazýshylar Odaǵynyń ókilderi, Súıinbaıdyń urpaqtarynyń qazaq tilindegi baıandamalary  birinen keıin biri jalǵasyp jatty. Qazaqtyń ulttyq taǵamdarynyń men úshin orny erekshe. Ásirese, qýyrdaq pen palaý... Men qazaq tilin úırenip alǵan soń qazaq toıy jaıynda eńbek jazǵym keledi.

Sálemmen, Kodzasa Mıdzýkı