22 qarashada «Habar» telearnasynyń efırinde rejıser Ermek Tursynov fılmderiniń festıvali bastalady. Bul týraly «Qamshy» portaly telearnanyń saıtyna silteme jasap habarlaıdy.
«Ár jeksenbi saıyn rejıserdiń tanymal 5 kartınasy - «Kelin», «Shal», «Kenje, «Kempir» jáne «Jatty» tamashalaı alasyzdar! Kınofestıval 22 qarasha saǵat 17.00-de «Kelin» dramasymen bastalmaq», delingen habarlamada.
«Habar» arnasy ár fılmdi kórseter aldynda kórermender nazaryna rejıser men akterlik quramnyń qatysýymen ótetin baǵdarlama usynady.
Qazaqstandyq rejıser, senarıst Ermek Tursynov 1961 jylǵy 20 shildede Almaty oblysynda dúnıege kelgen. Ál-Farabı atyndaǵy QazUÝ-diń jýrnalısıka jáne S.A.Gerasımov atyndaǵy Búkilreseılik memlekettik kınematografıa ınstıtýtynyń senarı-kınotaný fakúltetin támamdady. Rejıserlik mansabyn 2008 jyly «Kelin» fılminen bastady.
Pikir qaldyrý