Ýkraına prezıdenti Petr Poroshenko ýkraın pasportynan orys tilindegi sózderdi alyp tastaý týraly petısıaǵa jaýap berdi, - dep habarlaıdy «Qamshy» portaly Azattyqqa silteme jasap.

Prezıdenttiń resmı saıtynda jarıalanǵan jaýapta: «Ýkraına azamattarynyń Ýkraına pasporttarynda Joǵarǵy Rada agresıa júrgizip otyr dep tapqan memlekettiń tilinde aqparatty qaıtalap jazýǵa qarsylyǵyn qoldaımyn» delingen.

Ýkraınanyń Eýropa Odaǵyna kirigý umtylysyn eskere otyryp, Poroshenko Ýkraına pasportyndaǵy aqparatty qosymsha aǵylshyn tilinde jazýdy usynǵan. Poroshenkonyń sózine qaraǵanda, ol bul usynysty úkimetke joldap qoıǵan.

Poroshenko buǵan deıin aǵylshyn tili Ýkraınada ýkraın tilimen qatar «ekinshi jumys tili» mártebesin alǵanyn qoldaıtynyn bildirgen.

«Ýkraınskaıa pravda» gazetiniń habarlaýynsha, tamyz aıynda Lvov qalasynyń turǵyny Svátoslav Lıtınskıı Ýkraına azamattyǵy týraly pasportyn orys tilindegi aqparatsyz alýǵa sot arqyly qol jetkizgen.