Benzın baǵasy 3,9 paıyzǵa ósetin boldy. Bul týraly «Qamshy» portaly Ulttyq ekonomıka mınıstrligine silteme jasap habarlaıdy.

«Qazaqstan Respýblıkasynda ekonomıkalyq qaýipsizdikti qamtamasyz etý maqsatynda munaı ónimderi baǵasyndaǵy qalyptasqan ekonomıkalyq ahýalǵa baılanysty munaı ónimderi aksızderi mólsherlemesin ósirý týraly sheshim shyǵaryldy. Aksız mólsherlemeleri 1 lıtr benzınge bar-joǵy 5 teńgeni quraıdy. Bul benzınniń jalpy baǵasyn 3,9 paıyzǵa kóteredi» delingen mınıstrlik taratqan habarlamada.

Mınıstrlik sondaı-aq, Qazaqstandaǵy munaı ónimderiniń aksız mólsherlemesi 2000 jyly belgilengenin jáne óte tómen deńgeıde bolyp kelgenin aıtady.  Atap aıtqanda, buǵan deıin benzınniń aksız baǵasy tonnasyna 4500 teńge, dızel otynyna 540 teńge bolyp kelgen.