Qytaıdaǵy qazaq mektepteri "Qara jorǵa" men "Qamajaıdy" resmı túrde oqý baǵdarlamasyna qosyp aldy. Endi oqýshylar kúndelikti oryndaıtyn jattyǵýdyń ornyna bı qımyldaryn jasaıdy. Bul týraly "Qamshy" portaly "Almaty" telearnasyna silteme jasaı otyryp habarlaıdy.
Bul bastamaǵa jergilikti bılik eshqandaı qarsylyq tanytpaǵan. Kerisinshe ony birden qoldap, mindetti oqý júıesine bekitip beripti. Biraq bul bılerdi toıda bıleıtin "Qara jorǵa" nemese "Qamajaımen" shatastyrýǵa bolmaıdy. Sózi, áni, tipti qımylyna deıin oqýshylarǵa beıimdelip jasalǵan. Osylaısha mektep ujymy kúnine 25 mınýttyq úlken úziliste oryndaıdy eken.
