Fransıa premer-mınıstri Manýel Váls Eýropa Taıaý Shyǵystan endi bosqyndardy qabyldamaıtynyn, óz shekarasynyń qaýipsizdigin nyǵaıtýy tıis ekenin málimdedi. Bul týraly "Qamshy" portaly today.kz-ke silteme jasaı otyryp habarlaıdy.
"Bul Germanıany synǵa alǵanym emes. Germanıa óz tańdaýyn jasady. Alaıda ol óz jaýapkershiligin sezinýi tıis", - dep atap ótti jýrnalısermen áigimelesý barysynda Váls.
Onyń aıtýynsha, Fransıa men Belgıa aıqyn sebepterge baılanysty mıgranttardy qabyldaýdy toqtatýy tıis.
Fransıa Premeri 2015-2016 jyldary 30 myńǵa deıin bosqyn qabyldaý mindettemesin oryndaýǵa nıetti ekenin atap ótti, alaıda fransýzdar Parıjde 13 qarashada oryn alǵan lańkestiktiń keıbir oryndaýshylary elge mıgranttar qatarynda kelgenin biletinin atap ótti.
"Bul Eýropanyń bosqyndar aǵynyn baqylaý jáne shekaralardy baqylaý sheshimin iske asyrý boıynsha múmkindikter máselesin kóteredi", dep qosty ol óz sózinde.
Jýyrda Grekıa men Makedonıa arasyndaǵy shekarada turyp qalǵan mıgranttar Eýropaǵa ótkizbeýine qarsy narazylyq retinde óz aýyzdaryn tikkeni belgili boldy.
Eýropadaǵy shekaralardy qorǵaý máseleleri boıynsha pikirsaıystar 13 qarashada Parıjde oryn alǵan shabýyldar serıasynan keıin kúsheıip ketti.
