Reseıdegi iri týrısik operatorlardyń biri – “Natalı týrs” kompanıasy Túrkıa reseılik Sý-24 ushaǵyn atyp túsirgennen keıin 24 qarashadan bastap Túrkıaǵa týrısik joldama satýdy toqtatatynyn habarlady. Bul týraly "Qamshy" portaly "Azattyqqa" silteme jasaı otyryp habarlaıdy.

Kompanıa Reseı men burynǵy sovettik respýblıkalardaǵy fılıaldarynda “turaqsyz saıası jaǵdaıǵa” baılanysty Túrkıaǵa týrıser jiberýdi toqtatatynyn málimdedi. “Natalı týrstiń” saıtynda Qazaqstan, Ýkraına jáne Belarýste de Túrkıaǵa týrısik qyzmet kórsetý toqtaǵany aıtylǵan.

Ótken jyly Túrkıaǵa Reseıden 4,5 mıllıon týrıs barǵan. Bul – Túrkıaǵa jyl saıyn baratyn jalpy týrıser sanynyń 12 paıyzyn quraıdy.

Túrkıa 24 qarashada Sırıamen shekarada eldiń áýe keńistigin buzdy dep reseılik Sý-24 áskerı ushaǵyn atyp túsirgen. Biraq Máskeý ushaq Túrkıa shekarasyn buzǵanyn joqqa shyǵaryp, onyń Sırıa aýmaǵynda qulaǵanyn aıtady.

Reseı prezıdenti Vladımır Pýtın ushaqty atyp túsirýdiń Reseı-Túrkıa qarym-qatynasyna keri áser etetinin málimdegen. Syrtqy ister mınıstri Sergeı Lavrov 25 qarashaǵa josparlaǵan Túrkıaǵa saparynan bas tartty.