Ońtústik Qazaqstan oblysy ákiminiń birinshi orynbasary D.Satybaldy bastaǵan bir top kásipker Ońtústik Koreıa memleketi men Qytaı Halyq Respýblıkasyna jumys saparymen baryp qaıtty. Roýd-shoý saparynyń basty maqsaty óńirge QHR men Ońtústik Koreıa ınvestorlaryn tartý bolyp tabylady, - dep habarlaıdy «Qamshy» portaly.
Qazaqstannan barǵan delegattardyń ishinde óńirdegi bıznes-qurylymdardyń jetekshileri men «Shymkent» ÁKK-niń ókilderi, «Ońtústik» ındýstrıalyq aımaǵy basqarýshy kompanıasy» JSHS-niń basshylary da bar. Ońtústikqazaqstandyq delegattar, eń aldymen, Ońtústik Koreıadaǵy Chhýnchhon-Namdo jáne Kóngıdo provınsıalarynyń basshylyǵymen kezdesti. Onda óńirlik deńgeıde ózara tıimdi yntymaqtastyq máseleleri talqylanyp, Ońtústik Koreıa men bizdiń oblystyń kásipkerleriniń ınvestısıalyq jobalaryn iske asyrýǵa jaǵdaı jasaý jaıy jáne Kóngıdo provınsıasynda qurylǵan ınvestısıalyq habqa Ońtústik Qazaqstan oblysynyń qatysýy sóz boldy.
Sapar barysynda kásipkerler Ońtústik Koreıadaǵy agroónerkásip keshenderi men ondaǵy iri ınovasıalyq agrotehnıkalyq ınstıtýtty, ónerkásiptik jylyjaılar men Eýropalyq iskerlik áriptestik ortalyǵyn jáne «Samsýng» korporasıasynyń murajaıy men ınovasıalyq keńseni aralady.
Atalǵan memleketke iskerlik sapar sońynda el astanasy – Seýlde Ońtústik Qazaqstan oblysynyń ınvestısıalyq múmkindikteri tanystyrylǵan forým ótip, oǵan Ońtústik Koreıanyń túrli ekonomıkalyq sektorlarynda qyzmet etetin 180 kásipker qatysty. Nátıjesinde eki el arasynda 11 memorandýmǵa qol qoıyldy.
Munan soń oblystyń kásipkerleri Qytaı Halyq Respýblıkasyna jol tartty. Onda delegattar Sıan qalasynda uıymdastyrylǵan Qytaıdyń aýyl sharýashylyǵy salasyndaǵy jańa tehnologıalar taqyrybynda ótkizilgen 22-shi jármeńkesine jáne arnaıy forýmǵa qatysty. Munda elimizdiń Aýyl sharýashylyǵy mınıstri A.Mamytbekov sóz sóılep, Qazaqstannyń sala boıynsha jetistikteri men josparlaryn baıandady.
Qytaıǵa sapar kezinde oblys kásipkerleri «Qazaqstan-Qytaı zamanaýı agrarlyq jobalary» konferensıasyna qatysyp, óńirdiń aýyl sharýashylyǵy jobalarynyń tanystyrylymyn ótkizdi. Kezdesý nátıjesinde QHR men OQO kásiporyndarynyń arasynda ekijaqty tıimdi 3 memorandým túzilip, birlesip jumys isteýge kelisimder jasaldy.
OQO ákiminiń baspasóz qyzmeti.
