Qazaqstan Respýblıkasy Qorǵanys mınıstri Imanǵalı Tasmaǵanbetov tanymal jýrnalıs, «31» telearna aqparattyq baǵdarlamalar dıeksıasynyń dırektory Bolat Múrsálimge alǵys bildirdi, - dep habarlaıdy «Qamshy» portaly.

Bul týraly jýrnalıs óziniń áleýmettik jelidegi paraqshasynda jarıalady.

«Qazaqstan Respýblıkasy Qarýly kúshteri áskerı-tarıhı mýzeıiniń ashylýyna qosqan qomaqty úlesińiz ben azamattyq belsendiligińiz úshin shynaıy alǵysymdy bildiremin.

Áskerimizdiń aıbynyn asyryp, ulttyq rýhty kóteretin ıgilikti bastamanyń oryndalýy Ózińizdeı ardaqty jandardyń eseli eńbegi men qajyr-qaıratynyń jemisi» delingen Imanǵalı Tasmaǵanbetovtiń alǵys hatynda.

Sondaı-aq, jýrnalıske Qorǵanys mınıstriniń orynbasary general-maıor T. Muhtarov ta Alǵys hat joldaǵan.

Esterińizge salsaq, el Prezıdenti N. Nazarbaev Astanada Qorǵanys mınıstrliginiń bastamasymen uıymdastyrylǵan Qazaqstan Qarýly kúshteriniń áskerı-tarıhı mýzeıin ashqan bolatyn.