Taraz qalasynda 3-5 jeltoqsan kúnderi aralyǵynda Qazaq handyǵynyń 550 jyldyq mereıtoıyna arnalǵan QR qazaq kúresi federasıasynyń İ kýbogy ótti. Klýbtyq komandalar arasynda alǵash ret uıymdastyrylǵan dodaǵa elimizdiń barlyq aımaǵynan 16 klýbtyq komanda qatysyp, júldeli oryndardy sarapqa saldy.

Júlde qory 20 mln. teńgeni quraǵan qazaq kúresiniń alamanyn ótkizýge QR Mádenıet jáne sport mınıstrligi, Sporttyq jekpe-jek jáne kúsh qoldanylatyn sport túrleri konfederasıasy, Jambyl oblysynyń ákimdigi qoldaý kórsetti. Sondaı-aq, dodanyń bas demeýshisi «Samuryq-Qazyna» UÁQ» AQ bolsa, al tıtýldy demeýshi «QazMunaıGaz» UQ» AQ.

Balýandar 55, 60, 66, 74, 82, 90, 100 jáne + 100 kelige deıingi salmaq dárejelerinde óner kórsetti. Kýboktyń alǵashqy kúninde 14 komanda kúsh synassa, olardyń arasynan Jambyl jáne Qyzylorda oblysynyń qazaq kúresi klýbtaryna fınaldyq kezeńge irikteýsiz joldama berildi. Alǵashqy kúngi irikteý syndarynan 6 komanda suryptaldy. 

Fınaldyq synnyń alǵash aınalymynda Jambyl oblysynyń qazaq kúres klýby qyzylordalyq «Alash arlandary» klýbymen joly túıisip, 3:5 esebimen ese jiberdi. Óz kezeginde Almaty qalalyq joǵary sport sheberligi mektebiniń komandasy Ońtústik Qazaqstan oblysynyń balýandarymen kezdesip, 6:2 esebimen basym tústi.  Al Qaraǵandy oblysynyń joǵary sporttyq sheberligi mektebiniń komandasy Shyǵys Qazaqstan oblysy Tarbaǵataı aýdanynyń M.Imashev atyndaǵy balalar men jasóspirimder arasyndaǵy sport mektebi komandasymen joldary túıisip, kezdesý nátıjesinde 4:4 esebimen Tarbaǵataı quramasy kelesi kezeńge joldama aldy. Sondaı-aq Almaty oblysynyń joǵary sporttyq sheberligi mektebiniń komandasy Semeı memlekettik medısına ýnıversıtetiniń komandasymen kúsh synasyp, aıqyn basymdylyqpen Semeı memlekettik medısına ýnıversıtetiniń komandasy 6:2 esebimen jeńiske jetti. 

Jartylaı fınalda Almaty qalalyq joǵary sport sheberligi mektebiniń komandasy Qyzylorda oblysynyń «Alash arlandary» qazaq kúresi klýbymen kezdesip 4:4 esebimen Syrdyń bilekti jigitteriniń mereıi tasydy. Ekinshi jupta Semeı memlekettik medısına ýnıversıteti men SHQO Tarbaǵataı aýdanynyń M.Imashev atyndaǵy balalar men jasóspirimderdiń sport mektebiniń komandasy kezdesip, semeılikter 5:3 esebimen basymdyq tanytty. Úshinshi oryn úshin kúreste almatylyqtar tarbaǵataılyqtardy 6:2 esebimen aıqyn jeńdi. Fınalda kezdesken Semeı memlekettik medısına ýnıversıteti men Qyzylorda oblysynyń «Alash arlandary» klýby ózara myqtyny anyqtady. Kezdesý nátıjesi boıynsha 7:1 Qazaqstan Respýblıkasy qazaq kúresi federasıasy İ Kýbogynyń ıegeri atandy. 

1-oryn: Semeı meml. medısına ýnıv. – 10 000 000 teńge;

2-oryn: Qyzylorda oblysy, «Alash arlandary» klýby – 5 000 000 teńge; 

3- oryn: Almaty qalasy, JSSHM – 2 000 000 teńge; 

4-oryn: SHQO, Tarbaǵataı aýdany – 800 000 teńge;

5-oryn: – Almaty oblysy, JSSHM - 700 000 myń teńge; 

6-oryn: – Jambyl oblysy qazaq kúresi klýby – 600 000 myń teńge; 

7-oryn: OQO – 500 000 teńge; 

8-oryn: Qaraǵandy oblysy, JSSHM – 400 000 teńge;