Elbasynyń «100 naqty qadam» Ult josparyndaǵy talaptardyń biri – jergilikti polısıa qyzmetin jetildirý. Osyǵan oraı, oblystardaǵy ishki ister organdary quramyndaǵy birqatar qurylymdar jergilikti polısıa qyzmeti bolyp qurylýda. Qazir İshki ister mınıstriniń orynbasarlary ár aımaqty aralap, jańa qurylymnyń qyr-syryn elge tanystyrýda. Bul týraly "Qamshy" portaly Almaty qalasy İİD baspasóz qyzmetine silteme jasap habarlaıdy.

Tanystyrdy degende aıtarlyqtaı ózgerister men qurylymdyq jańalyqtar joq. Tek jańa talaptar boıynsha polısıanyń ýchaskelik polısıa pýnkteri, kámlettik jasqa tolmaǵandarmen jumys ınspeksıalary men mektep ınspektorlary, áıelderdi zorlyq-zombylyqtan qorǵaý, tabıǵat qorǵaý polısıalary men jol-patrýldik polısıasy túgeldeı jergilikti polısıa mártebesine ıe bolyp otyr. Polıseılerdiń aıtýynsha, bul qurylym bolashaqta jergilikti halyq pen óńir basshylyǵyna táýeldi hám esepti qurylym bolmaq.

Sondaı-aq, İİD taratqan habarlamada, jergilikti polısıa qyzmetkerleriniń burynǵy memleketten alyp kelgen jalaqylary men basqa da áleýmettik kepildemeleri sol kúıinde saqtalatyn kórinedi.