Qanat Islam kelesi jekpe-jegi ótetin kúndi atady, - dep habarlaıdy «Qamshy» portaly Vesti.kz-ke silteme jasap.
Qazaqstandyq kásibı boksshy Qanat Islam kelesi jekpe-jegin qańtar aıynyń ortasynda Qytaıda ótkizedi. Sportshynyń aıtýynsha, eki tarap taıaýda kelisimge qol qoıady.
"Kelesi aıda Qytaıda jekpe-jek ótedi. 10-15 kúnniń ishinde barlyq másele sheshiledi dep úmittenemin jáne men sol jekpe-jek týraly ǵana oılaımyn. Josparlar osy. Demalys pen úziliske ýaqyt joq. Jumys kóp. Jekpe-jekti jeltoqsan aıynda ótkizýdi josparlaǵanbyz, biraq bir sebeptermen uzartyldy", - dedi Qanat Islam.
Al kezdesý ótetin naqty kún týraly suraqqa ol: "Bári durys bolsa, 15 qańtarda rıngke oralamyn", - dep jaýap berdi. Sonymen qatar, ol kelesi jyly Qazaqstanda jekpe-jek ótkizýi múmkin ekenin atap ótti, ol jyldyń ekinshi jartysynda uıymdastyrylýy yqtımal.
