«Qamshy» portaly osy aptadaǵy elimizde bolǵan kadrlyq taǵaıyndaýlarǵa QazAqparatqa silteme jasap sholý jasaıdy.
Osy aptada aýyz toltyra aıta qoıarlyqtaı atqarýshy bılikte kadrlyq aýys-túıis oryn ala qoıǵan joq. Degenmen, birqatar kompanıalardyń quramynda ózgerister oryn alyp, osy ýaqytqa deıin Qyzylorda oblysy ákiminiń orynbasary bolǵan sheneýnik «Nur Otan» partıasynyń hatshysy qyzmetine taǵaıyndalǵany belgili.
Sonymen 2013 jyldyń naýryz aıynan bastap osy ýaqytqa deıin Qyzylorda oblysy ákiminiń orynbasary qyzmetin atqarǵan Natalá Nıkolaevna Godýnova«Nur Otan» partıasynyń hatshysy bolyp taǵaıyndaldy.
Ol Batys Qazaqstan aýylsharýashylyq ınstıtýtyn, RF Úkimeti janyndaǵy Qarjy akademıasyn bitirgen. Ekonomıka ǵylymdarynyń kandıdaty. Eńbek jolyn 1993 jyly Oral qalasyndaǵy «Oral» «Agroprombankiniń» ekonomısi qyzmetinen bastap, 1997-1998 jyldary Batys Qazaqstan aýmaqtyq memlekettik múlik jáne jekeshelendirý komıtetiniń jetekshi mamany, basshynyń orynbasary, basshy qyzmetterin atqarǵan. 1998-2004 jyldary Batys Qazaqstan oblysy ákiminiń apparatynda bas maman, bólim meńgerýshisi; 2004-2005 jyldary Batys Qazaqstan oblystyq ekonomıka jáne búdjetttik josparlaý departamentiniń dırektory; 2005-2006 jyldary Qazaqstan Respýblıkasynyń Reseı Federasıasyndaǵy Saýda ókildiginiń keńesshisi; 2006-2009 jyldary Mańǵystaý oblysy ákiminiń keńesshisi; 2009-2012 jyldary Qazaqstan Respýblıkasynyń Reseı Federasıasyndaǵy Saýda ókiliniń mindetin atqarýshy; 2012-2013 jyldary Qazaqstan Respýblıkasy Premer-Mınıstri orynbasarynyń keńesshisi qyzmetterin atqarǵan.
Almatyda qalalyq kásipkerler Palatasynyń dırektory bolyp Iýrıı Tileýmuratov taǵaıyndaldy. Ol bıylǵy jyldyń mamyr aıynan beri Palatanyń dırektory mindetin atqaryp kelgen bolatyn.
54 jastaǵy Iýrıı Tileýmuratov Qaraǵandy memlekettik ýnıversıtetiniń ekonomıka fakúltetin bitirgen. Ár jyldary salyq organdarynda istedi. QR Qarjy mınıstrliginiń Qarjylyq baqylaý jáne memlekettik satyp alý Komıtetin basqardy. Sondaı-aq, jeke aýdıtorlyq jáne konsaltıńtik kompanıalarda qyzmet atqarǵan. 2013 jyldyń qazan aıynan «Atameken» Ulttyq kásipkerler Palatasynyń Shaǵyn jáne orta bıznesti damytý Komıteti Hatshylyǵynyń hatshysy bolyp jumys istedi.
«Sesnabank» AQ banktiń basqarmasy men dırektorlar keńesi quramyndaǵy ózgerister oryn aldy. Dırektorlar keńesi sheshimimen «Sesnabank» AQ basqarma tóraǵasy Dáýren Ádilbekuly Jaqsybektiń, sondaı-aq AQ basqarma tóraǵasy Rústem Qýatuly Jaqypbaevtyń ókilettikteri merziminen buryn toqtatyldy. Sonymen birge, dırektorlar keńesiniń tóraǵasy Erkeǵalı Serikuly Edenbaevtyń dırektorlar keńesiniń múshesi mártebesi saqtalyp, ókilettigi toqtatyldy. Onyń ornyna «Sesna» AQ dırektorlar keńesiniń tóraǵasy qyzmetine Dáýren Ádilbekuly Jaqsybek saılandy.
«QazTransOıl» AQ basqarmasynyń 2015 jyldyń 14 jeltoqsandaǵy sheshimimen «QazTransOıl» AQ bas dırektory (basqarma tóraǵasy) Qaıyrgeldi Qabyldınniń ókilettikteri berilgen ótinishke sáıkes merziminen buryn aıaqtalyp, 2015 jyldyń 16 jeltoqsanynan bastap «QazTransOıl» AQ bas dırektory (basqarma tóraǵasy) bolyp Nurtas Shmanov taǵaıyndaldy.
Nurtas Nurybekuly Shmanov 1956 jyly Atyraý qalasynda týyp, Ýfadaǵy munaı ınstıtýtyn «munaı-gaz qubyrlaryn, gaz qoımalary men munaı bazalaryn jobalaý jáne paıdalaný» mamandyǵy boıynsha, Qazaq memlekettik akademıasy janyndaǵy naryq ınstıtýtyn «Qarjy jáne nesıe» mamandyǵy boıynsha, sonymen birge Bostondaǵy (AQSH) Massachýsets ýnıversıtetin bitirgen bolatyn. 36 jyldan asa ýaqyt boıy osy salada qyzmet etýde. Ol negizgi tehnologıalyq jabdyqtaýdy jóndeý jónindegi slesardan bastap «QazMunaıGaz» UK AQ basqarma tóraǵasynyń orynbasary laýazymyna deıingi kásibı joldy bastan keshti. «Iýjnefteprovod» ÓB («Transneft» AK), «Teńizshevroıl» JSHS, «Kaspıı qubyr konsorsıýmy - Reseı», «ShevronNeftGaz», «ShevronMunaıGaz», «Shevron Oversız Petroleým Ink.» sıaqty kompanıalarynda jaýapty laýazymdarǵa ıe boldy. 2007 jyldyń jeltoqsany men 2009 jyldyń qańtar aıy arasyndaǵy ýaqytta «QazTransOıl» AQ Bas dırektory (Basqarma tóraǵasy) laýazymyn ıemdendi.
N.N. Shmanov - munaıshylar áýletiniń ókili. Ákesi Nurybek Nábıuly - sala ardageri, «ystyq» munaı qubyrlaryn paıdalaný máselelerin zerttegen, óz tájirıbesi men bilimderin praktıkalyq jumysta qoldanǵan alǵash qazaq ǵalymy edi. Nurybek Shmanov esimimen «QazTransOıl» AQ-nyń munaı aıdaý stansalarynyń biri atalyndy.
«KEGOC» AQ Dırektorlar keńesiniń sheshimimen «KEGOC» AQ atqarýshy dıreksıasynyń jańa uıymdyq qurylymy bekitildi jáne basqarý men úılestirýdiń birqatar máselelerine ózgerister engizildi. Atap aıtqanda,Serik Keńesbekuly Ospanov basqarma tóraǵasynyń birinshi orynbasary bolyp taǵaıyndaldy. Baqythan Medeǵalıuly Jazyqbaev basqarma tóraǵasynyń óndiris jónindegi orynbasary boldy. Áskerbek Dosaıuly Qýanyshbaev basqarma tóraǵasynyń UET-ty damytý jáne korporatıvtik basqarý jónindegi orynbasary qyzmetine taǵaıyndaldy, Muqtar Ońǵarbaıuly Bekenov Júıelik qyzmetter jónindegi jańa basqarýshy dırektor jáne Abat Amanuly Aqmýrzın Fılıaldarmen jáne EBU-men jumys jónindegi basqarýshy dırektor boldy.
Qazaqstan kásibı boks Federasıasynyń prezıdenttigine QR Prezıdenti teleradıokompanıasynyń bas dırektory Erlan Bekhojın saılandy.
Erlan Bekhojın 1963 jyly 6 mamyrda Shymkent qalasynda dúnıege kelgen. Qazaq memlekettik ýnıversıtetin, Ortalyq Azıa ýnıversıtetin bitirgen. 1994-1997 jyldary - «Habar» agenttigi aqparattyq baǵdarlamasynyń júrgizýshisi, «Jeti kún» aqparattyq baǵdarlamasynyń avtory ári júrgizýshisi. 1998-2003 jyldary - Qazaqstan Respýblıkasyndaǵy «Mır» halyqaralyq teleradıo kompanıasynyń dırektory. 2003-2009 jyldary «Lıter-Medıa» JSHS bas dırektory, «Lıter» jáne «Aıqyn» gazetteri redaksıalyq keńesteriniń tóraǵasy. 2009 aqpan aıynan bastap QR Prezıdenti teleradıo kesheniniń bas dırektory. Qazaqstan Respýblıkasy Jýrnalısıka akademıasynyń akademıgi, Reseı jáne Qazaqstan Jýrnalıser odaǵy syılyǵynyń laýreaty, «Jyldyń úzdik jýrnalısi» atalymy boıynsha «Altyn Juldyz» syılyǵynyń laýreaty.
Aqtóbe» fýtbol klýbynyń jańa jattyqtyrýshysy qyzmetine 46 jastaǵy reseılik Iýrıı Ótkelbaev keldi. Bul maman aqtóbelikterdiń bapkeri retinde resmı túrde seısenbi kúni jarıalanýy tıis.
Iýrıı Ótkelbaev keńestik jáne reseılik fýtboldyń «Torpedo» (Mıass), «Neftehımık» (Nıjnekamsk), «Irtysh» (Tobolsk), «Rýbın» (Qazan) sıaqty tómengi lıgalar komandalarynda qaqpashy retinde belgili bolǵan. Qazandyq «Prıvoljanın» komandasy úshin mını-fýtbolǵa qatysqan. Oıyn mansaby aıaqtalǵan soń qazandyq «Rýbın» komandasynyń jattyqtyrýshysy, bul komanda dýbliniń bas jattyqtyrýshysy bolǵan. «KamAZ»-dyń (Naberejnye Chelny) sporttyq dırektory qyzmetin atqarǵan.
