QR Úkimetiniń qaýlysymen «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» qaýlyǵa ózgerister men tolyqtyrýlar engizildi, - dep habarlaıdy «Qamshy» portaly QazAqparatqa silteme jasap.

Qazaqstan Respýblıkasy Úkimetiniń qaýlysy 

2015 jylǵy 27 qarasha, Astana, Úkimet Úıi, №957

«Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna ózgerister men tolyqtyrý engizý týraly

Qazaqstan Respýblıkasynyń Úkimeti qaýly etedi:

1. «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1400 qaýlysyna (Qazaqstan Respýblıkasynyń PÚAJ-y, 2007 j., № 51, 648-qujat) mynadaı ózgerister men tolyqtyrý engizilsin:

1, 2, 3-tarmaqtar mynadaı redaksıada jazylsyn:

«1. Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine (budan ári - uıymdardyń qyzmetkerleri) eńbekaqy tóleý júıesi ýaqyt boıynsha jáne/nemese kesimdi eńbekaqy tóleý júıesi bolyp tabylady dep belgilensin.

Ýaqyt boıynsha eńbekaqy tóleý júıesi:

1. azamattyq qyzmetshilerdiń (bilikti jumysshylardy qospaǵanda), memlekettik búdjet qarajaty esebinen ustalatyn uıymdar qyzmetkerleriniń laýazymdaryn fýnksıonaldyq bloktar boıynsha synyptaýǵa sáıkes ázirlenetin azamattyq qyzmetshiler laýazymdarynyń tizilimi.
   
   Azamattyq qyzmetshilerdiń (bilikti jumysshylardy qospaǵanda), memlekettik búdjet qarajaty esebinen ustalatyn uıymdar qyzmetkerleriniń laýazymdaryn fýnksıonaldyq bloktar boıynsha synyptaý qyzmet salasyna, bilimine, biliktilik deńgeıine, oryndalatyn jumystyń kúrdeliligine jáne jaýapkershilik deńgeıine baılanysty basqarýshy, negizgi, ákimshilik jáne qosalqy personaldardan qalyptasady;
   
   2) azamattyq qyzmetshilerdiń, memlekettik búdjet qarajaty esebinen ustalatyn uıymdar qyzmetkerleriniń, qazynalyq kásiporyndar qyzmetkerleriniń (jumysshylardy qospaǵanda) fýnksıonaldyq bloktar boıynsha laýazymdyq jalaqylaryn (budan ári - LJ) esepteýge arnalǵan bazalyq laýazymdyq jalaqyǵa (budan ári - BLJ) qoldanylatyn koefısıentter;
   
   3) jumysshylardyń LJ (tarıftik mólsherlemelerin) esepteýge arnalǵan BLJ-ǵa qoldanylatyn koefısıentter;

4) uıymdar qyzmetkerlerine eńbek jaǵdaılary úshin qosymsha aqylar jáne ústemeaqylar, saýyqtyrýǵa arnalǵan járdemaqy jáne ótemaqylar;

5) Qazaqstan Respýblıkasynyń Reseı Federasıasyndaǵy Saýda ókildigi qyzmetkerleriniń shet­el valútasyndaǵy LJ (tarıftik mólsherlemeler) sqemalary negizinde eńbekaqy tóleýdi qamtıdy.

Kesimdi eńbekaqy tóleý júıesi oryndalǵan jumystyń (kórsetilgen qyzmettiń) nemese daıyndalǵan ónimniń zattaı ólshem birlikterinde kórsetilgen ár birligi (kólemi) úshin eńbekaqy tóleýdi kózdeıdi.

2. Qosa berilip otyrǵan:

1) azamattyq qyzmetshiler (bilikti jumysshylardy qospaǵanda), memlekettik búdjet qarajaty esebinen ustalatyn uıymdar qyzmetkerleri laýazymdarynyń fýnksıonaldyq bloktar boıynsha synyptamasy;

2) azamattyq qyzmetshilerdiń, memlekettik búdjet qarajaty esebinen ustalatyn uıymdar qyzmetkerleriniń, qazynalyq kásiporyndar qyzmetkerleriniń (jumysshylardy qospaǵanda) fýnksıonaldyq bloktar boıynsha LJ esepteýge arnalǵan koefısıentter;

3) jumysshylardyń LJ (tarıftik mólsherlemelerin) esepteýge arnalǵan koefısıentter;
4) uıymdar qyzmetkerlerine eńbekaqy tóleý sharttary;

5) Qazaqstan Respýblıkasynyń Reseı Federasıasyndaǵy Saýda ókildigi qyzmetkerlerine eńbekaqy tóleý sharttary;

6) uıymdardyń qyzmetkerlerine únemdeý esebinen syılyqaqy berý júzege asyrylatyn, materıaldyq kómek kórsetiletin jáne yntalandyrýshy ústemeaqy belgilenetin shyǵys túrleriniń tizbesi bekitilsin.

3. Mynalar:

1) uıymdardyń qyzmetkerlerine eńbekaqy tóleý qory LJ-dan (tarıftik mólsherlemeden), eńbek jaǵdaılary úshin qosymsha aqylar men ústemeaqylardan, azamattyq qyzmetshilerdiń jyl saıynǵy aqyly eńbek demalysyna qosylatyn bir LJ (tarıftik mólsherleme) mólsherindegi saýyqtyrý járdemaqysynan, Qazaqstan Respýblıkasynyń normatıvtik quqyqtyq aktilerinde kózdelgen ótemaqylardan aıqyndalady;

Qazaqstan Respýblıkasynyń Reseı Federasıasyndaǵy Saýda ókildigi qyzmetkerlerine eń­bek­­­aqy tóleý qory shetel valútasyndaǵy LJ (tarıftik mólsherleme) negizge alyna otyryp aıqyndalady;

2) uıymdar qyzmetkerleriniń LJ-sy (tarıftik mólsherlemesi) atqaratyn laýazymdarynyń fýnksıonaldyq bloktarǵa jatqyzylýyna jáne mamandyǵy boıynsha jumys ótiline, taǵaıyndalǵan biliktilik razrádtaryna (jumysshylar úshin) qaraı LJ-ny (tarıftik mólsherlemeni) esepteý úshin bekitilgen tıisti koefısıentterdi Qazaqstan Respýblıkasynyń Úkimeti belgilegen BLJ mólsherine kóbeıtý jolymen aıqyndalady;

pedagog qyzmetkerlerdiń jekelegen sanattary úshin LJ (tarıftik mólsherlemeler) bir aptaǵa belgilengen oqý júktemesine qaraı aıqyndalady;

zańnamaǵa sáıkes erekshe mártebe berilgen memlekettik joǵary oqý oryndarynyń mamandary men qyzmetshilerine LJ LJ-nyń belgilengen mólsherine joǵarylatatyn koefısıentterdi qoldaný arqyly aıqyndalady;

3) ótemaqylardyń mólsheri Qazaqstan Respýblıkasynyń normatıvtik quqyqtyq aktilerine sáıkes aıqyndalady dep belgilensin.»;

4-tarmaqta:

3) jáne 5) tarmaqshalar mynadaı redaksıada jazylsyn:

«3) uıymdar qyzmetkerleriniń LJ-syn (tarıftik mólsherlemesin) aıqyndaý maqsatynda orta­lyq atqarýshy jáne ózge de memlekettik organdar (kelisim boıynsha) mamandyǵy boıynsha jumys óti­lin (qyzmet salasynyń erekshelikterin eskere otyryp) esepteýdiń tártibi men sharttaryn aıqyn­daıdy;

5) memlekettik mekemeler men qazynalyq kásiporyndardyń qyzmetkerlerine, onyń ishinde 2016 jylǵy 1 qańtardan bastap qabyldanǵan qyzmetkerlerge jalaqysyndaǵy, saýyqtyrýǵa arnalǵan járdemaqysyndaǵy aıyrma 2016 jylǵy 1 qańtardan bastap qoldanystaǵy eńbekaqy tóleý júıesine sáıkes olardyń jalaqysy men saýyqtyrýǵa arnalǵan járdemaqysy 2016 jylǵy 1 qańtarǵa deıin qoldanylǵan eńbekaqy tóleý júıesi boıynsha jalaqysynan jáne saýyqtyrýǵa arnalǵan járdemaqysynan tómen bolyp shyqqan jaǵdaılarda tólenedi;»;

6) tarmaqshadaǵy «bekitedi dep belgilensin.» degen sózder «bekitedi;» degen sózben aýystyrylyp, mynadaı mazmundaǵy 7) tarmaqshamen tolyqtyrylsyn:

«7) osy qaýlyǵa 1-qosymshaǵa sáıkes azamattyq qyzmetshiler (bilikti jumysshylardy qospaǵanda), memlekettik búdjet qarajaty esebinen ustalatyn uıymdar qyzmetkerleri laýazymdarynyń fýnksıonaldyq bloktar boıynsha synyptamasy negizinde eńbek jónindegi ýákiletti memlekettik organ azamattyq qyzmetshilerdiń, memlekettik búdjet qarajaty esebinen ustalatyn uıymdar qyzmetkerleriniń laýazymdaryn azamattyq qyzmetshiler laýazymdary tiziliminiń fýnksıonaldyq bloktaryna jáne bilikti jumysshylarǵa jatqyzý jónindegi ádistemelik usynymdardy bekitedi.

Tıisti qyzmet salalaryndaǵy ýákiletti organdar eńbek jónindegi ýákiletti memlekettik organmen kelisý boıynsha tıisti qyzmet salalary boıynsha azamattyq qyzmetshiler laýazymdarynyń tizilimin bekitedi dep belgilensin.»;

6-tarmaqtyń 1) tarmaqshasy mynadaı redaksıada jazylsyn:

«1) memlekettik basqarý organymen kelisý boıynsha azamattyq qyzmetshiler laýazymdarynyń tiziliminde kórsetilgen laýazymdardyń ataýlaryna qyzmet ereksheligin sıpattaıtyn arnaýly qosymsha ataýlardy qoldanýǵa, sondaı-aq fýnksıonaldyq mindetterine qaraı ózge de laýazymdar ataýlaryn teńestirýge;»;

1, 2, 3, 4, 6, 7, 8, 9, 10, 11, 12, 13, 14, 15, 16, 17, 18, 19, 21, 25-qosymshalar osy qaýlyǵa 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20-qosymshalarǵa sáıkes jańa redaksıada jazylsyn;

5, 24, 24-1-qosymshalar alyp tastalsyn;

20-qosymshaǵa eskertpede:

«Saǵat boıynsha eńbek aqy tóleý demalys úshin tólenetin aqyny da eskeredi.», «praktıkalyq qyzmetinde shet tilin qoldanǵany úshin jalaqyǵa ústemeaqylardy alatyn memlekettik mekemeler qyzmetkerlerinen shet tili boıynsha emtıhan qabyldaý kezinde;» degen joldar alyp tastalsyn;

«Joǵary bilimi bar joǵary oqý oryndarynyń qyzmetkerlerine negizgi laýazymy boıynsha jumys kúninen tys joǵary oqý orny rektorynyń ruqsatymen sol oqý ornynda jylyna 225 saǵattan aspaıtyn saǵat boıynsha eńbekaqy tóleý sharttarynda pedagogıkalyq jumyspen shuǵyldana alady.» degen jol mynadaı redaksıada jazylsyn:

«Joǵary bilimi bar joǵary oqý oryndarynyń (budan ári - JOO) qyzmetkerleri negizgi laýazymy boıynsha jumys kúninen tys JOO rektorynyń ruqsatymen sol oqý ornynda kólemi jylyna 225 saǵattan aspaıtyn kólemde, saǵat boıynsha eńbekaqy tóleý sharttarynda pedagogıkalyq jumyspen shuǵyldana alady.»;

22-qosymshada:
taqyryp mynadaı redaksıada jazylsyn:

«Densaýlyq saqtaý salasyndaǵy azamattyq qyzmetshiler, memlekettik búdjet qarajaty esebinen ustalatyn uıymdardyń qyzmetkerleri, qazynalyq kásiporyndar qyzmetkerleri laýazymdarynyń jáne kásipteriniń tizbesi men olardyń psıhoemosıonaldyq jáne dene júktemesin aıqyndaıtyn krıterııler»;

keste baǵandarynyń taqyryptary mynadaı redaksıada jazylsyn:
«R/s
№ Qyzmetkerler laýazymdarynyń jáne
kásipteriniń ataýy Psıhoemosıonaldyq jáne dene júktemeleriniń krıterııleri
1 2 3
»;

2. Mynalardyń kúshi joıyldy dep tanylsyn:

1) «Azamattyq qyzmetshiler laýazymdarynyń tizbesin bekitý týraly» Qazaqstan Respýblıkasy Úkimetiniń 2007 jylǵy 27 qyrkúıektegi № 850 qaýlysy (Qazaqstan Respýblıkasynyń PÚAJ-y, 2007 j., № 35, 394-qujat);

2) «Qazaqstan Respýblıkasy Úkimetiniń «Azamattyq qyzmetshiler laýazymdarynyń tizbesin bekitý týraly» 2007 jylǵy 27 qyrkúıektegi № 850 jáne «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» 2007 jylǵy 29 jeltoqsandaǵy № 1400 qaýlylaryna ózgerister engizý týraly» Qazaqstan Respýblıkasy Úkimetiniń 2014 jylǵy 31 jeltoqsandaǵy № 1427 qaýlysy 1-tarmaǵynyń 1) tarmaqshasy (Qazaqstan Respýblıkasynyń PÚAJ-y, 2014 j., № 88-89, 733-qujat).

3. Osy qaýly 2016 jylǵy 1 qańtardan bastap qoldanysqa engiziledi jáne resmı jarıalanýǵa tıis.

Qazaqstan Respýblıkasynyń Premer-Mınıstri K.MÁSİMOV.