Jelini paıdalanýshylardyń biri Lada.kz jergilikti saıtyna oqıǵa kadrlaryn saldy.

Vıdeoda Hyundai Sonata kóliginiń balalardyń oınaıtyn jerdiń qorshaýyn soǵyp qıratqany kórinip tur. Kýágerler oqıǵanyń 16 jeltoqsan kúni 2-shi shaǵynaýdandaǵy 46-shi úıdiń aýlasynda bolǵanyn habarlap otyr.

Keıin oblystyq İİD-nen Lada.kz saıtyna balalardyń oınaıtyn alańyna soǵylǵan júrgizýshi mas bolǵanyn habarlady. Osylaısha, baspasóz qyzmetiniń málimetterinshe, 16 jeltoqsan kúni shamamen saǵat 13:25-te 2-shi shaǵynaýdandaǵy 46-shy úıdiń qasynda mas kúıinde bolǵan Hyundai Sonata kóliginiń júrgizýshisi balalar alańynda jol-kólik oqıǵasyna jol berip, oqıǵa ornynan ketip qalmaq bolǵan.

Jol-kólik oqıǵasyna jol bergen Aqtaý qalasynyń 1965 jylǵy turǵynyna qatysty QR Ákimshilik quqyq buzýshylyqtar týraly Kodekstiń 611-babynyń 2-bólimi (Jol qozǵalysy erejelerin buzǵan júrgizýshiniń jol-kólik oqıǵasy ornyn qaldyrý) jáne QR Ákimshilik quqyq buzýshylyqtar týraly Kodekstiń 608-babynyń 3-bólimi (kólik júrgizýshisiniń kólik quralyn alkogóldik, esirtkilik jáne (nemese) toksıkomandyq mas kúıinde basqaryp, apatty jaǵdaı jasaý) boıynsha hattamalar toltyryldy.