2015 jyl Qazaqstan shoý-bıznesinde otbasylyq ómirdiń jolyna túskender kóp boldy. «QazAqparat» agenttigi bıyl este qalarlyq qoǵam nazarynda bolǵan toılarǵa sholý jasapty.
Naqtyraq aıtqanda, «KeshYou» tobynyń ánshisi Aıdana Medenova naýryzda uzatyldy. Ánshiniń tańdaǵan jary «Indıgo» men FM toptarynyń prodúseri Álisher Nurjanov.
Toı Almaty meıramhanalarynyń birinde ótti. 2015 jyldyń qazanynda Aıdana men Álisherdiń shańyraǵynda qyz bala dúnıege keldi.
Bıyl baqytyn tapqandardyń qatarynda «Aılın» esimimen tanymal ánshi Ásem Jáketaeva da bar. Ol Instagramdaǵy paraqshasynda toı kóılegimen túsken sýretin jarıalady.
Jaz kezinde belgili telejúrgizýshi Alan Cherkasov pen Anastasıa Kleshenko otaý qurdy. Toı Almatyda ashyq aspan astynda ótti. Juldyzdy jup jaqynda balaly boldy.
Olar qyzyna Arnella esimin berdi.
Bıyl ánshi Dınara Qyryqbaeva da neke júzigin taqty. Onyń tańdaýy Oljas esimdi azamatqa túsken. Olar da sábı kútip otyr.
Qyrkúıekte qoǵam nazaryn aýdarǵan taǵy bir toı ótti. Bul joly Asha Mataı men Arman Qońyrbaevtyń toıy ótti. Asha Mataı qazaqtyń ulttyq dástúrine saı jón-joralǵymen uzatyldy. Toıǵa shoý-bızneste júrgen úlken-kishiniń bári bardy. Juldyzdy jup bal aıyn Balı aralynda ótkizgenin maqtanyshpen áleýmettik jelide jarıalady.
Jaqynda «KeshYou» tobynyń burynǵy ánshisi Móldir Áýelbekova Arystan esimdi jigittiń eteginen ustady. Toı Tarazda ótti. Móldir óziniń paraqshasynda azamatynyń ónerge qatysy jo ekenin aıtqan. Olar qazir Astanada turyp jatyr.
