Iran astanasy Tegeranda Saýd Arabıasynyń Iranda aty tanymal, shıittik aǵymnyń ýaǵyzshysy Nımr ál-Nımrdiń jazalanýyna qarsy ereýilder kúsheıip ketti, - dep habarlaıdy «Qamshy» portaly 24-arnaǵa silteme jasap.

Tegerandaǵy Saýd Arabıasy elshiliginiń aldyna jıylǵandar ǵımaratqa basa kóktep kirip, janǵysh suıyqtyq quıylǵan ydystar laqtyryp, elshilikti órtep jiberdi. Oqıǵa ornyna kelgen Irannyń Syrtqy ister mınıstri narazy topty elshilik qyzmetine qurmetpen qaraýǵa shaqyryp, Er-Rıadtyń ýaǵyzshyny jazaǵa tartqan sheshimine resmı túrde qarsy ekendikterin málimdedi. Jergilikti tártip saqshylary buzaqylardy elshilik ǵımaratynan alyp shyqqan. Degenmen onda jınalǵandar sany azaıatyn túri joq. Óz kezeginde Er-Rıadtaǵylar Irannyń bul áreketin Saýd Arabıasynyń ishki isterine aralasý dep baǵalap otyr.