Qaraǵandylyqtar aqtútek boranda qar qursaýynda qalǵan jolaýshyny qutqardy. Ol elordadan Shymkentke bet alǵan, - dep habarlaıdy 24.kz.
Jolda tolǵaǵy bastalǵan Astana qalasynyń turǵynyn qaraǵandylyq dárigerler oblystyq perınataldyq ortalyqqa dereý jetkizgen. Jedel kórsetilgen kómektiń arqasynda Sholpan Sársenbaevanyń aman-esen jany qalyp, qol-aıaǵyn baýyryna aldy. Dúnıege Nurgúl esimdi qyz bala keldi. «Ana men balanyń jaǵdaıy jaqsy», - deıdi dárigerler.
«Biz barlyq analarǵa eskertý jasaımyz. Bosanar aldynda alys jolǵa shyǵýǵa bolmaıdy. Qazirgi ýaqytta bizdiń perınataldyq ortalyqta aýdan, qalalardan kelip bosanyp jatqan analar kóp. Biz olardy úılerine qaıtarmaı otyrmyz. Sebebi aýa raıy qolaısyz, boran. Ómirlerine qaýip tónýi múmkin»,- deıdi oblystyq perınataldyq ortalyqtyń dırektory Sáýle Amanbekova.
