Ulttyq qordaǵy qarjyny paıdalanýdyń jańa tujyrymdamasy jasalady. Bul týraly Ulttyq ekonomıka mınıstri E. Dosaev málimdedi. 
Úkimet pen Ulttyq banktiń daǵdarysqa qarsy búdjettik saıasatynyń negizgi maqsaty osy. Eske sala keteıik, mańyzdy qujatty jańa jyl qarsańynda Ulttyq ekonomıka mınıstri Erbolat Dosaev tanystyrǵan edi. Onyń aıtýynsha, bıylǵy jyldyń sáýir aıyna deıin Ulttyq qordaǵy qarjyny paıdalanýdyń jańa tujyrymdamasy jasalýy tıis. Al naýryzǵa deıin búdjettik kodekske tolyqtyrýlar engiziledi. Sondaı-aq tıimsiz shyǵystardy boldyrmaý maqsatynda respýblıkalyq jáne jergilikti búdjettik baǵdarlamalar tekserýden ótedi. Bul shara sáýir-tamyz aılaryna josparlanyp otyr. Budan bólek, kelesi jyldan bastap barlyq jergilikti ınvestısıalyq jobalardy qarjylandyrý túgeldeı jergilikti ákimdikterge tapsyrylady.

Derekkóz: 24-arna.