Almatyda jańa jyldyq shyrsha órtendi. Bul týraly QazAqparat tilshisine qalalyq TJD resmı ókili Sandýǵash Baımuhambetova habarlaǵan.
«5 qańtarda saǵat 06.26 kezekshilik qyzmetke Ál-Farabı jáne Navoı kósheleriniń qıylysynda ornalasqan jańa jyldyq shyrshanyń otqa oranǵany jaıly habar kelip tústi. Birinshi bólimshe oqıǵa ornyna saǵat 06.34-te jetti, saǵat 06.50-de órt tolyq joıyldy», - dep habarlady S.Baımuhambetova.
Onyń aqparatynsha, aldyn ala boljam boıynsha jalyn 20 sharshy metr aýmaqty sharpydy.
Órt saqshylarynyń ýaqytynda kelýiniń arqasynda shyrshanyń jartysy aman qaldy. Órttiń shyǵýyna jańbyrdyń saldarynan týyndaǵan symdardyń tuıyqtalýy sebep boldy.
