Aqtóbe oblysynyń ákimi Berdibek Saparbaev Aqtóbe-Hromtaý tasjolynda qar qursaýynda qalyp qoıǵan júk kóligi ıelerine baryp, jaǵdaılaryn bildi, - dep habarlaıdy Tengrinews TV.
Óńir basshysy júk kólikteriniń júrgizýshilerin aýa raıy ońalǵansha qalada bolýǵa shaqyrdy. "Bul jerden artqa qaraı qaıtyńyzdar. Qalada bolyńyzdar. Sizderdiń ómirlerińiz bizge qajet", - dedi Berdibek Saparbaev. Júrgizýshilermen kezdesýden keıin ákim jóndeý qyzmetiniń tehnıkamen jabdyqtalýyn qarap shyǵyp, jylytý pýnktterindegi jaǵdaıdy tekserdi.
Aıta keteıik, aýa raıynyń qolaısyzdyǵyna qaramastan, respýblıkalyq negizgi joldardyń kóbi ashylyp úlgerdi. Qar qursaýynan jalpy 2013 adam, 91 dana avtotehnıka evakýasıalandy, qosymsha 571 adam qaýipsiz jerge jetkizildi.
