KASE tańǵy sesıasynda dollar baǵamy 344,68 teńgege teń boldy, - dep habarlaıdy Tengrinews.kz tilshisi. Aıta keteıik, shetel valútasy keshe 343 teńge mejesinde edi.

6 qańtarda tańǵy sesıadaǵy alǵashqy kelisim 344,6 teńgemen bastaldy. Eń tómengi baǵa 344,5 teńge boldy. Al joǵarysy 345 teńgege deıin jetti. Sesıa kezinde saýda kólemi 58,2 mıllıon dollardan asty. Kurs.kz portalynyń málimetine súıensek, aqsha aıyrbastaý oryndary shetel valútasyn 343,5 - 346,7 teńge aralyǵynda saýdalap jatyr.

Eske salaıyq, tarıhı antırekord 2015 jyldyń 21 jeltoqsanynda 349,2 teńgege deıin jetken bolatyn. Kelesi kúni Ulttyq bank tóraǵasy Danıar Aqyshev baspasóz máslıhatyn ótkizdi. Jıyn bastalar aldynda teńge turaqtandy, degenmen baǵam keıin qaıta óse bastady.