Oraldyq polıseıler jezókshelikpen aınalysqan 16 jáne 17 jastaǵy qyzdardy ustady. Onyń bireýi 12 jasynan bastap jeńil júristi kásip etken eken. Olardy tártip saqshylary «Depovskaıa» kóshesindegi saýna mańynda quryqtaǵan dep jazady SN "Ýralskaıa nedelá" portalyna silteme jasap.

«Qyzdardyń jasy 16-17 shamasynda. Bireýi Jańaqala aýdanynan. Jaz aıynan bastap jezókshelikpen aınalysqan. Jartylaı jetim bolǵanymen otbasynyń kún kórisi jaqsy. Ekinshi qyzdyń jaǵdaıy asosıaldy. Jezókshelikpen 12 jastan bastap aınalysady. Biz ony kópten beri qolǵa túsire almadyq. Endi ony túngi júristen tyıý úshin arnaıy mektepke aýystyrýdy qolǵa alyp jatyrmyz», - dedi qala prokýrorynyń kómekshisi Almagúl Ismaǵulova.

Qazir eki qyz da kámeletke tolmaǵandardy beıimdeý ortalyǵyna ornalastyryldy.