Saýd Arabıasy bastaǵan koalısıa Iemen astanasyndaǵy zaǵıptar men kózi nashar kóretin jandarǵa arnalǵan ortalyqty bombalady, - dep habarlaıdy «Qamshy» portaly 24-arnaǵa silteme jasap.

Budan basqa, halyqaralyq áskerı odaq ushaqtary osy eldiń saýda palatasynyń bas keńsesin de talqandaǵan. Abyroı bolǵanda, adam shyǵyny joq. Bul ortalyq Dúnıejúzilik banktiń qarjysyna ashylǵan eken. Biraq Sana qalasynyń halqy koalısıa kúshteriniń shıittik búlikshiler – hýsıtter bekingen jerlerdi ǵana emes, balalar bar oryndardy, turǵyn úıler men janýarlardy da áýe soqqysynyń astyna alyp, aıaýsyz qyryp jatqanyn aıtady. Ashynǵan jurt narazylyqtaryn ereýilge shyǵyp bildirýde. Áýe shabýyldary bastalǵan ótken jyldyń tamyzynan beri 3 myńǵa jýyq beıbit turǵyn qaza taýyp, 5 myńnan astamy jaraqat alǵan.